ఉపాధి అవకాశాలు కల్పించకుండా పట్టభద్రులను కేంద్రం శిక్షిస్తోందని కాంగ్రెస్ నేత రాహుల్ గాంధీ ఆరోపించారు. ప్రముఖ విద్యా సంస్థల్లో అధ్యాపక పోస్టులను ప్రభుత్వం భర్తీ చేయకపోవడాన్ని ప్రస్తావిస్తూ ఈమేరకు ట్వీట్ చేశారు.
ఐఐటీ సహా పలు ప్రముఖ విశ్వవిద్యాలయాల్లో భర్తీ కానీ అధ్యాపకుల పోస్టుల వివరాలను బుధవారం ట్విట్టర్లో షేర్ చేశారు రాహుల్. పట్టభద్రులైన యువతపై.. ముఖ్యంగా ఓబీసీ, ఎస్సీ, ఎస్టీలపై కేంద్రం కఠినంగా వ్యవహరిస్తోందన్నారు. నిజమైన డిగ్రీలు ఉన్న కారణంగానే కేంద్రం వారిపై ఈ వైఖరి ప్రదర్శిస్తోందని వ్యాఖ్యానించారు.