దేశంలో తీవ్ర సంక్షోభ పరిస్థితులు ఏర్పడినప్పటికీ ప్రధానమంత్రి నరేంద్ర మోదీ ఆశావాద దృక్పథానికి అనుగుణంగా భారత వైద్య పరిశోధనా మండలి (ICMR) తన నివేదికలను రూపొందించినట్లు న్యూయార్క్‌ టైమ్స్‌ ఓ కథనాన్ని ప్రచురించింది. వీటిపై స్పందించిన ఐసీఎంఆర్ డైరెక్టర్‌ జనరల్‌ డాక్టర్‌ బలరాం భార్గవ.. ఇది రెచ్చగొచ్చే, దృష్టి మరల్చే కథనమేనని పేర్కొన్నారు. దేశంలో కొవిడ్‌ను సమర్థంగా ఎదుర్కొంటూ, వ్యాక్సినేషన్‌ను అద్భుతంగా పంపిణీ చేస్తోన్న సమయంలో ఇలాంటి కథనాలు రావడం దురదృష్టకరమన్నారు. అయితే, అందులో ఎక్కువగా కొవిడ్‌ మరణాలపై లేవనెత్తిన అంశాలేనని.. వాటిపై శ్రద్ధ చూపాల్సినంత అవసరం లేదన్నారు. ఇక కొవిడ్‌ పోరులో కేంద్ర, రాష్ట్ర ప్రభుత్వాలు పూర్తిగా నిమగ్నమైన విషయాన్ని గుర్తించాలని కేంద్ర ఆరోగ్యశాఖ కార్యదర్శి రాజేష్‌ భూషణ్‌ పేర్కొన్నారు. న్యూయార్క్‌ టైమ్స్‌ కథనాన్ని నీతి ఆయోగ్‌ సభ్యుడు (ఆరోగ్యం) డాక్టర్‌ వీకే పాల్‌ కూడా ఖండించారు.
న్యాయవిచారణ జరపాల్సిందే..!