'రైతు ఉద్యమ స్థలాల్లో టీకా కేంద్రాల ఏర్పాటు!'

సాగుచట్టాలకు వ్యతిరేకంగా రైతులు ఉద్యమం చేస్తున్న ప్రాంతాల్లో వ్యాక్సినేషన్​ కేంద్రాలను ఏర్పాటు చేయాలని సంయుక్త కిసాన్​ మోర్చా(ఎస్​కేఎం) డిమాండ్​ చేసింది. కరోనా వ్యాప్తి దృష్ట్యా రైతులు మాస్కులు ధరించాలని, భౌతిక దూరం పాటించాలని సూచించింది.

దేశంలో కరోనా విజృంభణ నేపథ్యంలో.. నూతన వ్యవసాయ చట్టాలకు వ్యతిరేకంగా రైతులు నిరసనలు చేస్తున్న ప్రాంతాల్లో వెంటనే టీకా కేంద్రాలను ఏర్పాటు చేయాలని సంయుక్త కిసాన్​ మోర్చా(ఎస్​కేఎం) డిమాండ్​ చేసింది. వైరస్​ వ్యాప్తి దృష్ట్యా ఉద్యమ కేంద్రాల్లో అన్ని సౌకర్యాలను ఏర్పాటు చేయాలని ఎస్​కేఎం నేతలు కోరారు.

"రైతులు మాస్కులు ధరించాలి. కొవిడ్-19 నిబంధనలను పాటించాలి. ఎవరైనా రైతులు టీకాలు వేయించుకోవాలనుకుంటే మేము అడ్డుకోం. అది వారి వ్యక్తిగత విషయం."

-- ఎస్​కేఎం నేతలు

గతంలో తాము కొవిడ్-19కు భయపడబోమని రైతులు తెలిపారు. ఎట్టిపరిస్థితుల్లోనూ టీకాను తీసుకోబోమని స్పష్టం చేశారు.

కానీ.. కొన్ని రోజులకు భారతీయ కిసాన్​ యూనియన్​ నేత రాకేశ్​ టికాయత్​ కూడా వ్యాక్సిన్​ వేయించుకున్నారు.

ఇదీ చదవండి :'రాజ్యంగాన్ని కాపాడడంలో దీదీ విఫలం'