బిహార్ నలందాలో విషాదం నెలకొంది. బర్త్డే పార్టీలో పాల్గొన్నవారిపై విచక్షణారహితంగా కాల్పులు జరిపారు గుర్తు తెలియని వ్యక్తులు. ఈ కాల్పుల్లో బర్త్డే పార్టీకి వెళ్లిన 12 ఏళ్ల బాలిక తీవ్రంగా గాయపడింది. హుటాహుటిన ఆమెను ఆస్పత్రికి తరలిస్తుండగా.. మార్గమధ్యంలోనే మృతి చెందింది. మృతురాలిని తుసీ కుమారిగా పోలీసులు గుర్తించారు.
బర్త్డే పార్టీలో కాల్పులు.. బాలిక మృతి.. గ్యాంగ్ రేప్ చేసి ప్రైవేట్ భాగాలను సిగరెట్తో కాల్చి.. - వివాహితపై గ్యాంగ్ రేప్
బర్త్డే పార్టీలో విషాదం నెలకొంది. గుర్తు తెలియని వ్యక్తి జరిపిన కాల్పుల్లో 12 ఏళ్ల బాలిక మృతి చెందింది. ఈ హృదయవిదారక ఘటన బిహార్లో వెలుగుచూసింది. మరోవైపు, 42 ఏళ్ల మహిళపై సామూహిక అత్యాచారానికి పాల్పడ్డారు ముగ్గురు వ్యక్తులు. అనంతరం ఆమె ప్రైవేట్ భాగాలపై సిగరెట్తో కాల్చారు. ఈ అమానవీయ ఘటన మహారాష్ట్రలో జరిగింది.
తుపాకీతో కాల్పులు
పోలీసులు తెలిపిన వివరాల ప్రకారం..
నలందా.. దీప్నగర్ పోలీస్ స్టేషన్ పరిధిలోని గంజ్పుర్లో ఓ చిన్నారి బర్త్డే పార్టీ జరుగుతోంది. ఈ వేడుక సందర్భంగా బార్ గర్ల్స్ డ్యాన్స్ ప్రోగ్రాం పెట్టారు. ఆ ప్రోగ్రాంను చూసేందుకు మృతురాలు అక్కడికి వెళ్లింది. పార్టీలో కొంతమంది యువకులు వేదికపైకి ఎక్కి బార్ గర్ల్స్‌తో కలిసి డ్యాన్స్ చేశారు. ఆ సమయంలో ఒక్కసారిగా కాల్పులు జరిపారు గుర్తు తెలియని వ్యక్తులు. ఈ కాల్పుల్లో బాలిక తలకి బులెట్ తగిలింది. వెంటనే ఆమెను ఆస్పత్రికి తరలిస్తుండగా.. మార్గమధ్యంలోనే మరణించింది. సమాచారం అందుకున్న పోలీసులు ఘటనాస్థలికి చేరుకుని.. మృతదేహాన్ని పోస్టుమార్టం పరీక్షల నిమిత్తం ఆస్పత్రికి తరలించారు. నిందితుల కోసం గాలిస్తున్నామని.. త్వరలోనే పట్టుకుంటామని పోలీసులు తెలిపారు.
గ్యాంగ్రేప్.. ప్రైవేట్ భాగాలపై సిగరెట్తో..
మహారాష్ట్ర ముంబయిలో దారుణం జరిగింది. 42 ఏళ్ల మహిళ ఇంట్లోకి ప్రవేశించి ఆమెపై సామూహిక అత్యాచారానికి పాల్పడ్డారు ముగ్గురు కామాంధులు. అనంతరం బాధితురాలి ప్రైవేట్ భాగాలపై సిగరెట్తో కాల్చారు. తర్వాత పదునైన ఆయుధంతో బాధితురాలి ఛాతీ, చేతులపై దాడి చేసి అక్కడి నుంచి పరారయ్యారు. బుధవారం తెల్లవారుజామున జరిగిందీ ఘటన. బాధితురాలు, నిందితులు ఒకే ప్రాంతానికి చెందినవారని పోలీసులు తెలిపారు. ఈ దారుణాన్ని వీడియో తీసి సామాజిక మాధ్యమాల్లో పోస్ట్ చేస్తామని నిందితులు బెదిరించారని పేర్కొన్నారు.