అటవీ జంతువుల్నివేటాడిన కేసులో ముఠా అరెస్టు

కేరళలో అడవి జంతువుల్ని వేటాడి వాటి మాంసాన్ని విక్రయిస్తోన్న నలుగురు నిందితుల్ని అటవీ శాఖ అధికారులు అరెస్టు చేశారు. వారి వద్ద నుంచి తుపాకులు, కత్తులతో పాటు సాంబర్​ జింక తలల్ని స్వాధీనం చేసుకున్నారు.

కేరళలో కొల్లం జిల్లాలో అడవి జంతువుల్ని వేటాడి వాటి మాంసాన్ని విక్రయిస్తోన్న నలుగురు నిందితుల్ని అటవీశాఖ అధికారులు అరెస్టు చేశారు. అలిముక్కు- కరవూర్​ రహదారిలో అటవీశాఖ అధికారులు వాహన తనీఖీలు చేపట్టగా అటవీ జంతువుల మాంసాన్ని ఎగుమతి చేస్తోన్న నిందితులు కరవూర్​ గ్రామానికి చెందిన అనిల్ శర్మ, కే షాజీ, జయకుమార్​, అన్చల్,​ ఏరమ్​కు చెందిన ప్రదీప్​లను అరెస్టు చేశారు.

అటవీ జంతువుల్ని వేటాడడానికి నిందితులు వాడిన తుపాకీ

నిందితుల వద్ద నుంచి కత్తులు, తదితర మారణాయుధాల స్వాధీనం

నిందితుల నుంచి అటవీ శాఖ అధికారులు స్వాధీనం చేసుకున్న బుల్లెట్లు

అంతేకాకుండా నిందితులు నిర్వహిస్తోన్న ఫాం హౌస్​​లోనూ తనీఖీలు చేసి తుపాకుల్ని, బుల్లెట్లని, కత్తుల్ని, సాంబర్​ జింక తలల్ని, బరువు తూచే యంత్రాన్ని, జంతువుల మాంసాన్ని స్వాధీనం చేసుకున్నారు.

నిందితుల దగ్గర స్వాధీనం చేసుకున్న మాంసాన్ని డీఎన్​ఏ పరీక్షకు పంపినట్లు పతానపురం అటవీ శాఖ అధికారి తెలిపారు. కాగా నాలుగు రోజుల క్రితం కదక్కమన్​లో ముళ్లపందిని చంపిన కేసుతోనూ ఈ నిందితులకు సంబంధం ఉందని వెల్లడించారు. ఈ కేసును కూడా వారిపై నమోదు చేసినట్లు తెలిపారు. అయితే ఈ కేసులలో పెద్ద పెద్ద వారి హస్తమే ఉందని అన్నారు.

ఇదీ చూడండి:చిన్నారులపై తల్లిదండ్రుల క్రూరత్వం