17:25 December 14
రైతు సంఘాలు ఏమంటాయి?
17:07 December 14
ముగిసిన నిరాహార దీక్ష
12:35 December 14
రహదారి దిగ్బంధం..
దిల్లీ-ఘజిపుర్ సరిహద్దు వద్ద ఆందోళన చేస్తోన్న రైతులు జాతీయ రహదారి- 24ను దిగ్బంధించారు.
12:15 December 14
12:08 December 14
వ్యవసాయ చట్టాలను రద్దు చేయాలని రైతుల ఆందోళనలు కొనసాగుతున్న నేపథ్యంలో కేంద్ర హోమంత్రి అమిత్ షా నివాసానికి చేరుకున్నారు వ్యవసాయ శాఖ మంత్రి నరేంద్ర సింగ్ తోమర్. రైతు సంఘాలతో మరోసారి భేటీ అంశంపై ఇద్దరు నేతలు చర్చించే అవకాశముంది.
10:40 December 14
కనీస మద్దతు ధర అంశంపై ప్రతిఒక్కరినీ కేంద్రం తప్పుదోవ పట్టిస్తోందని భారతీయ కిసాన్ యూనియన్(హరియాణా) అధ్యక్షుడు గుర్ణాం సింగ్ చడూని చెప్పారు. రైతులు పండించే 23 పంటలకు కనీస మద్దతు ధర చెల్లించి కొనుగోలు చేయడం సాధ్యం కాదని డిసెంబర్ 8న జరిగిన సమావేశంలో కేంద్ర హోంమంత్రి అమిత్ షా.. రైతు సంఘాల నాయకులకు స్పష్టం చేశారని పేర్కొన్నారు. వీటి కొనుగోలుకు రూ.17లక్షల కోట్లు ఖర్చు అవుతుందని షా చెప్పారని గుర్ణాం సింగ్ తెలిపారు. కేంద్రం దృష్టిలో కనీస మద్దతు ధర అంటే గతంలో చెల్లించిన మొత్తంతోనే పంటలను కొనుగోలు చేయటమని, అది తమకు ఎంతమాత్రమూ ఆమోదయోగ్యం కాదన్నారు. ఆ ధరతో రైతులు జీవనం సాగించడం కష్టతరమని పేర్కొన్నారు. అన్ని రాష్ట్రాల నుంచి కనీస మద్దతు ధర చెల్లించి కేంద్రం పంటలను కొనుగోలు చేయడం లేదని గుర్ణా సింగ్ వివరించారు.
10:19 December 14
రాజస్థాన్ హరియాణా సరిహద్దు జైసింఘ్పుర్-ఖేరా ప్రాంతంలో ఆందోళనలు చేస్తున్నారు రైతులు. సాగు చట్టాలకు వ్యతిరేకంగా రెండో రోజూ నిరసనకు దిగారు. అధికారులు ముందు జాగ్రత్తగా అక్కడ బలగాలను మోహరించారు.
10:13 December 14
సరిహద్దుల మూసివేత..
రైతుల నిరాహార దీక్ష నేపథ్యంలో పలు దిల్లీ సరిహద్దులను మూసివేశారు అధికారులు. ప్రత్యామ్నాయ మార్గాల ద్వార దేశ రాజధానికి చేరుకోవాలని దిల్లీ ట్రాఫిక్ పోలీసులు వాహనదారులకు సూచించారు. ఘాజీపుర్ సహా సింఘు, ఔచందీ, పియావ్ మనియారి, సభోలి, మంగేశ్ సరిహద్దులను మూసివేసినట్లు పేర్కొన్నారు.
10:07 December 14
వ్యవసాయ చట్టాలకు వ్యతిరేకంగా టిక్రీ సరిహద్దులో నిరాహార దీక్ష చేపట్టారు రైతు సంఘాల నాయకులు. తమ డిమాండ్ల పట్ల కేంద్రం నోరుమెదపడం లేదని, కేంద్రాన్ని నిద్రలేపే ప్రయత్నంలో భాగంగానే ఈరోజు దీక్షకు దిగినట్లు ఆల్ ఇండియా కిసాన్ సభ కార్యనిర్వాహక అధ్యక్షుడు బాల్కరన్ సింగ్ బ్రార్ తెలిపారు.
09:19 December 14
భారతీయ కిసాన్ యూనియన్ నేత రాకేశ్ టికైత్ సాహా ఇతర రైతు సంఘాలకు చెందిన నాయకులు దిల్లీ-యూపీ సరిహద్దు ప్రాంతం ఘాజీపుర్లో ఒక్కరోజు నిరాహార దీక్షకు కూర్చున్నారు. అక్కడ రైతులు చేపట్టిన ఆందోళనలు 17వ రోజుకు చేరుకున్నాయి.
08:57 December 14
దిల్లీ-హరియాణా సరిహద్దు ప్రాంతం సింఘులో ఒక్కరోజు నిరాహార దీక్షకు దిగారు రైతులు. 19వరోజూ సాగు చట్టాలకు వ్యతిరేకంగా ఆందోళనలు కొనసాగిస్తున్నారు.
సాగు చట్టాల రద్దే ఏకైక డిమాండ్‌గా రైతు సంఘాల నిరాహార దీక్ష చేపట్టారు. దిల్లీ సరిహద్దుల్లోని నిరసన ప్రాంతాల్లోనే దీక్షకు కూర్చున్నారు. సింఘు, టిక్రీ, ఘాజిపూర్ సహా నిరసన ప్రాంతాల్లోనే సాయంత్రం 5 గంటల వరకు ఈ దీక్ష కొనసాగనుంది. కేంద్రం దిగివచ్చేవరకు ఆందోళన విరమించేది లేదని రైతులు తేల్చి చెబుతున్నారు. కొత్త సాగు చట్టాలను వెనక్కి తీసుకోవాలని డిమాండ్ చేస్తున్నారు. ఆందోళనలు ఉద్ధృతం చేసేందుకు దిల్లీ సరిహద్దులకు మరికొంతమంది రైతులు చేరుకుంటున్నారు.
రైతుల ఆందోళనకు మద్దతుగా దిల్లీ సీఎం కేజ్రీవాల్ కూడా ఈరోజు ఉపవాసం ఉండనున్నారు.
08:48 December 14
ప్రభుత్వాన్ని మేల్కొలిపేందుకే ఒక్కరోజు నిరాహార దీక్ష చేపట్టినట్టు బీకేయూ ప్రధాన కార్యదర్శి హరీందర్ సింగ్ లఖోవాల్ తెలిపారు. వివిధ రైతు సంఘాలకు చెెందిన 40మంది నాయకులు అన్ని సరిహద్దుల్లో ఈరోజు ఉదయం 8గంటల నుంచి సాయంత్రం 5గంటల వరకు దీక్షకు కూర్చుంటారని చెప్పారు. 40 మంది నాయకుల్లో 25 మంది సింఘు సరిహద్దులో, 10మంది టిక్రి సరిహద్దులో, ఐదుగురు యూపీ సరిహద్దులో నిరాహార దీక్షలో పాల్గొంటున్నారని పేర్కొన్నారు.
08:30 December 14
నూతన సాగు చట్టాల రద్దుకు డిమాండ్ చేస్తూ దిల్లీ-యూపీ సరిహద్దు ఘాజీపుర్లో 17రోజూ ఆందోళనలు కొనసాగిస్తున్నారు రైతులు. చెరకు పంటను మిల్లుకు తరలించేటప్పుడు 24 గంటల పాటు ఆహారం తినకుండా ఉండటం తమకు అలవాటేనని, ఈరోజు చేసే నిరాహార దీక్షకు పూర్తి సన్నద్ధతతో ఉన్నట్లు లఖింపుర్ ఖేరీకి చెందిన ఓ నిరసనకారుడు తెలిపారు.
08:02 December 14
వ్యవసాయ చట్టాలకు వ్యతిరేకంగా రైతుల నిరాహార దీక్ష
నూతన సాగు చట్టాలను రద్దుచేయాలంటూ దిల్లీ సరిహద్దుల్లో ఉద్యమాన్ని ఉద్ధృతం చేశారు అన్నదాతలు. దేశవ్యాప్తంగా అన్ని జిల్లాల్లో ఒకరోజు నిరాహార దీక్షలకు దిగారు. ఉద్యమ కేంద్రాలైన దిల్లీ సరిహద్దుల్లో రైతు సంఘాల నేతలు దీక్షను ప్రారంభించారు. సాయంత్రం 5 గంటల వరకూ ఉపవాస దీక్షలు కొనసాగుతాయని కర్షకులు వెల్లడించారు.
అన్నదాతల ఆందోళనలకు మద్దతుగా దిల్లీ ముఖ్యమంత్రి కేజ్రీవాల్ కూడా నిరాహారదీక్ష చేయనున్నారు. వ్యవసాయ చట్టాలపై ప్రభుత్వానికి అనుకూలంగా మాట్లాడుతున్న వారితో తమకు సంబంధం లేదని రైతుసంఘాలు స్పష్టం చేశాయి. తమ డిమాండ్లు నెరవేర్చే వరకూ వెనక్కి తగ్గేది లేదని తెల్చిచెబుతున్నాయి.