జమ్ముకశ్మీర్​లో ఎన్​కౌంటర్​- ఉగ్రవాది హతం

06:17 August 07

జమ్ముకశ్మీర్​లో ఎన్​కౌంటర్​- ఉగ్రవాది హతం

జమ్ముకశ్మీర్​ బుద్గాం జిల్లాలో జరిగిన ఎదురుకాల్పుల్లో ఓ ఉగ్రవాదిని సైన్యం మట్టుబెట్టింది. మరో ముష్కరుడు తప్పించుకు పారిపోయాడు. అయితే అతని గురించిన సమాచారం అందడంతో క్రూ వద్ద అరెస్టు చేసినట్లు పోలీసులు తెలిపారు. ఆ వ్యక్తి పారిపోతున్న వాహనం డ్రైవర్​ను కూడా అదుపులోకి తీసుకుంటున్నట్లు పేర్కొన్నారు.

మొదటగా బుద్గాం జిల్లాలోని హరిబాగ్​ మౌచ్వా ప్రాంతంలో ఉగ్రవాదులు ఉన్నారన్న సమాచారం మేరకు భద్రతాదళాలు, పోలీసులు నిర్భంద తనిఖీలు నిర్వహించారు. ఈ పరిణామాలు ఎన్​కౌంటర్​కు దారితీశాయి.

ఈ ఘటనలో ఒక ఏకే47, రైఫిల్​, ఒక పిస్టల్​ను పోలీసులు స్వాధీనం చేసుకున్నారు. మరణించిన ఉగ్రవాది ఏ మిలిటెంట్​ గ్రూప్​కు చెందిన వ్యక్తి అనేది ఇంకా నిర్ధరణ కాలేదు.