సంజయ్ గాంధీ ఆస్పత్రిలో విద్యుత్ సరఫరా నిలిచిపోయిన దృశ్యాలు
మధ్యప్రదేశ్ రేవా జిల్లా సంజయ్ గాంధీ ఆస్పత్రిలో శుక్రవారం.. సుమారు ఐదు నిమిషాల పాటు విద్యుత్ సరఫరా నిలిచిపోయింది. దీనితో కొవిడ్ ఐసీయూ వార్డులోని రోగులు తీవ్ర ఇబ్బందులు ఎదుర్కొన్నారు. అక్కడ బాధితులందరూ ఆక్సిజన్ మద్దతుతోనే చికిత్స పొందుతుండటం గమనార్హం.
ఆస్పత్రి నిర్వాహకులు త్వరితగతిన విద్యుత్ సరఫరాను పునరుద్ధరించడంతో పెనుప్రమాదం తప్పింది. అయితే కరెంట్ పోయిన సమయంలో వార్డులో రోగులు ఎదుర్కొన్న ఇబ్బందుల దృశ్యాలు సామాజిక మాధ్యమాల్లో వైరల్గా మారాయి. దిల్లీలోని సర్ గంగారాం ఆస్పత్రిలో ఆక్సిజన్ లేక 25 మంది మృతి చెందిన నేపథ్యంలో ప్రస్తుత ఘటనపై విమర్శలు వెల్లువెత్తుతున్నాయి. ఈ ఆస్పత్రిలో సుమారు 500 మంది కరోనా రోగులు చికిత్స పొందుతున్నారు.