ఒకే కుటుంబంలో 14 మందికి కరోనా

కర్ణాటక బెళగావి జిల్లాలో ఒకే కుటుంబానికి చెందిన 14 మందికి కరోనా సోకింది. మూడు రోజుల క్రితం ఆ కుటుంబ సభ్యుడు మరణించగా.. అతడి అంత్యక్రియల్లో పాల్గొన్నవారిలో మొత్తం 19 మందికి పాజిటివ్​గా తెలినట్లు అధికారులు తెలిపారు.

కర్ణాటక బెళగావి జిల్లా​ భవనసౌందట్టి గ్రామంలో ఒకే కుటుంబానికి చెందిన 14 మందికి కరోనా సోకింది. ఈ నేపథ్యంలో గ్రామస్థులు భయాందోళనకు గురవుతున్నారు.

మూడు రోజుల క్రితం అదే కుటుంబానికి చెందిన ఓ వ్యక్తి మృతిచెందాడు. అతని అంత్యక్రియల్లో పాల్గొన్న వారికి తొలుత శుక్రవారం రోజున నిర్వహించిన పరీక్షల్లో ఆ కుటుంబంలోని ఐదుగురికి పాజిటివ్​గా తేలింది. తాజాగా మరో 14 మందికి పాజిటివ్​గా నిర్ధరణ కావడం కలకలం రేపుతోంది.

ఈ నేపథ్యంలో 48 మంది ఉన్న ఆ కుటుంబాన్ని కంటైన్మెంట్​ జోన్​గా ప్రకటించారు అధికారులు. ఇటీవలే ఆ కుటుంబ సభ్యులు మహారాష్ట్రలోని తమ బంధువులను కలిసి వచ్చినట్లు తెలిసిందని, వారిని గుర్తించేందుకు చర్యలు చేపట్టినట్లు వెల్లడించారు.

ఇదీ చదవండి:భాజపా గూటికి మరో డీఎంకే ఎమ్మెల్యే