ఛత్తీస్‌గఢ్‌లో నాయకత్వ మార్పుపై జోరుగా ప్రచారం(chhattisgarh cm change) జరుగుతున్న నేపథ్యంలో కాంగ్రెస్ అధిష్ఠానం సీఎం భూపేశ్ బఘేల్‌ను(cg cm bhupesh baghel) ఉత్తర్ప్రదేశ్ ఎన్నికల సీనియర్ పరిశీలకుడిగా(up polls 2022) నియమించింది. అసోం శాసనసభ ఎన్నికల సమయంలో.. తన బృందంతో కాంగ్రెస్ శ్రేణులకు బూత్‌ స్థాయి శిక్షణ ఇవ్వటంలో కీలకపాత్ర పోషించిన బఘేల్.. ఉత్తర్ప్రదేశ్ ఎన్నికల అంశంపై ఇదివరకే ఏఐసీసీ ప్రధాన కార్యదర్శి, యూపీ ఎన్నికల బాధ్యురాలు ప్రియాంక గాంధీతో చర్చలు జరిపారు.
పార్టీ అధినేత్రి సోనియాగాంధీ(congress president).. ఉత్తర్ప్రదేశ్ శాసనసభ ఎన్నికల(UP Polls 2022) సీనియర్ పరిశీలకుడిగా బఘేల్‌ను నియమించినట్లు కాంగ్రెస్ పార్టీ ఓ ప్రకటన విడుదల చేసింది. ఈ నియామకం తక్షణం అమల్లోకి వస్తుందని పేర్కొంది.
"ఉత్తర్ ప్రదేశ్ ఎన్నికలకు సీనియర్ పరిశీలకుడిగా వ్యవహరించాలని కాంగ్రెస్ అధ్యక్షురాలు ఆదేశించారు. అధిష్ఠానం అంచనాలను చేరుకునేందుకు నా శాయశక్తులా ప్రయత్నిస్తా. 'పరిష్కారం అనేది మార్పు, దానికి ప్రత్యామ్నాయం కాంగ్రెస్'"
- భూపేశ్ బఘేల్, ఛత్తీస్గఢ్ ముఖ్యమంత్రి.