ఫుట్బాల్ ఆడుతున్న కోడిపుంజు
Cock plays football: సాధారణంగా కోళ్లు బరిలోకి దిగి ప్రత్యర్థి కోళ్లతో తలపడటం చూసుంటారు. కానీ కేరళలోని అలప్పుజలో ఓ కోడిపుంజు మాత్రం ఏకంగా ఫుట్బాల్ ఆడుతోంది. మిథున్ అనే ఆరో తరగతి విద్యార్థికి కుట్టప్పాన్ అనే కోడి పుంజు ఉంది. అది కోడిలా కాకుండా ఓ స్నేహితుడిలా అతడితో ఫుట్బాల్ ఆడుతోంది. సైకిల్పై రైడ్కి వెళ్తోంది. మిథున్ కుటుంబం ఆ కోడిపుంజును ఏడాదిన్నర క్రితం తీసుకువచ్చి కుట్టప్పాన్ అని పేరు పెట్టి పెంచుకుంటోంది. కొవిడ్ లాక్‌డౌన్ సమయంలో ఇరువురు మధ్య అనుబంధం పెరిగినట్లు కుటుంబసభ్యులు చెబుతున్నారు. మిధున్‌కు రక్షణగా సైతం కుట్టప్పాన్ ఉంటోందని తెలిపారు.