కేరళ తిరువనంతపురంలో విషాద ఘటన జరిగింది. కారా బూందీ గొంతులో ఇరుక్కుని చిన్నారి మృతిచెందింది. తిరువనంతపురం.. తిరిక్కన్నపురానికి చెందిన రాజేశ్, కవితల కుమార్తె.. నివేదిత ఒకటో తరగతి చదువుతోంది. ఆదివారం మధ్యాహ్నం కారాబూందీ తింటుండగా.. ఒక్కసారిగా బూందీ గొంతులో ఇరుక్కుంది.
దీంతో చిన్నారికి ఊపిరి ఆడలేదు. వెంటనే తల్లిదండ్రులు సమీపంలోని శాంతివిల ఆస్పత్రికి తరలించారు. చిన్నారి అప్పటికే మృతి చెందినట్లు వైద్యులు ధ్రువీకరించారు.