'పేలవ ప్రణాళికే నక్సల్​ దుశ్చర్యకు కారణం'

ఛత్తీస్​గఢ్​లోని బీజాపుర్​, సుక్మా జిల్లాల సరిహద్దులో జరిగిన నక్సల్​ ఆపరేషన్​కు అధికారులు పేలవంగా ప్రణాళిక రచించారని ఆరోపించారు కాంగ్రెస్​ నేత రాహుల్​ గాంధీ. నక్సల్స్​ వైపు కూడా సమానంగా ప్రాణనష్టం జరగడం ఇందుకు నిదర్శనం అని పేర్కొన్నారు.

ఛత్తీస్​గఢ్​లోని యాంటీ నక్సల్​ ఆపరేషన్​కు పేలవ ప్రణాళిక రచించారని ఆరోపించారు కాంగ్రెస్​ నేత రాహుల్​ గాంధీ. ప్రభుత్వం ఇష్టానుసారం జవాన్ల ప్రాణాలను బలిచేయొద్దని పేర్కొన్నారు. ఎలాంటి నిఘా వైఫల్యం లేనప్పుడు నక్సల్స్ వైపు కూడా సమానంగా ప్రాణనష్టం జరగడం పేలవ ప్రణాళిక, ఆపరేషన్​ నిర్వహణ లోపానికి నిదర్శనమని వ్యాఖ్యానించారు. సీఆర్​పీఎఫ్​ డైరెక్టర్​ కుల్​దీప్​ సింగ్​ నివేదికను ప్రస్తావిస్తూ సోమవారం ట్విట్టర్​ ద్వారా ఈ వ్యాఖ్యలు చేశారు.

బీజాపుర్​, సుక్మా జిల్లాల సరిహద్దులో శనివారం జరిగిన ఈ ఘటనలో 22 మంది జవాన్లు ప్రాణాలు కోల్పోయారు. మరో 30మందికిపైగా తీవ్రంగా గాయపడ్డారు. ఓ సీఆర్​పీఎఫ్​ ఇన్​స్పెక్టర్​ గల్లంతయ్యారు.

ఇదీ చదవండి :అమర జవాన్లకు అమిత్​ షా నివాళి