తన ఇంట్లో ఉన్న బాయ్ఫ్రెండ్ను కలుసుకునే ప్రయత్నంలో మూడో అంతస్తు నుంచి పడిపోయి సివిల్స్కు సన్నద్ధమవుతున్న ఓ విద్యార్థిని చనిపోయింది. తమిళనాడులోని చెన్నైలో ఈ విషాదం జరిగింది. కేసు నమోదు చేసుకున్న పోలీసులు.. ఆమె బాయ్ఫ్రెండ్ను ప్రశ్నించడం సహా దర్యాప్తును ముమ్మరం చేశారు.
ఇదీ జరిగింది:నమక్కల్కు చెందిన మఖిల్మతి (25).. చెన్నైలోని జామ్బజార్ కన్నభన్ స్ట్రీట్లో ఉంటూ సివిల్స్కు సన్నద్ధమవుతోంది. నుంగంబాక్కంలోని ఓ ప్రైవేట్ కోచింగ్ సెంటర్లో శిక్షణ తీసుకుంటోంది. జూన్ 9న తన బాయ్ఫ్రెండ్ రాజ్కుమార్.. ఆమె ఇంటికి వచ్చి అక్కడే ఉన్నాడు. అదే రోజు సాయంత్రం తరగతులను ముగించుకొని ఇంటికి వచ్చిన మఖిల్మతి.. తలుపులకు తాళం వేసి ఉండటాన్ని గుర్తించింది. రాజ్కుమార్కు ఫోన్ చేసినా అతడు స్పందించలేదు.
దీంతో ఆందోళన చెందిన మఖిల్మతి.. బాల్కనీలోని వెనుక డోర్ ద్వారా లోనికి వెళ్లాలని భావించింది. అందుకోసం టెర్రస్ పైనుంచి మూడో అంతస్తులోని బాల్కనీకి చీరను తాడుగా వాడాలని ప్లాన్ చేసింది. ఈ క్రమంలో చీరను పట్టుకొని దిగుతుండగా అనూహ్యంగా అది చిరిగిపోయింది. దీంతో ఆమె కిందపడి అక్కడికక్కడే చనిపోయింది.
సమాచారం అందుకున్న పోలీసులు.. మఖిల్మతి మృతదేహాన్ని పోస్టుమార్టం నిమిత్తం ఆస్పత్రికి తరలించారు. కేసు నమోదు చేసుకొని దర్యాప్తు చేపట్టారు. రాజ్కుమార్ను ప్రశ్నించారు.
"రాజ్కుమార్ అడయార్లో ఉంటూ ప్రముఖ ఐటీ సంస్థలో సాఫ్ట్వేర్ ఉద్యోగిగా పనిచేస్తున్నట్లు దర్యాప్తులో తేలింది. తన స్వగ్రామం వెళ్లేందుకు బస్టాండ్లో దించడం కోసం మఖిల్మతి అతడిని ఇంటికి పిలిచింది. సాయంత్రం ఆమె ఇంటికి వచ్చేసరికి.. అలసట కారణంగా అతడు నిద్రపోయాడు. దీంతో తలుపు తట్టినా అతడికి వినపడలేదు. ఈ ఘటనపై ముమ్మరం చేశాం" అని పోలీసులు తెలిపారు.
ఇదీ చూడండి:యువతి దారుణ హత్య.. మూడు ఇళ్లు దగ్ధం.. ఆ కారణంతోనే 20 మంది కలిసి!
