కుక్క మరణంపై న్యాయపోరాటం- 9 ఏళ్లకు పరిహారం

COMPENSATION FOR DOG DEATH: పెంపుడు కుక్క మరణంపై ఓ వ్యక్తి న్యాయపోరాటం చేశారు. ఆ శునకం ద్వారా తనకు వచ్చే ఆదాయాన్ని అందించాలని సుదీర్ఘ కాలం పాటు న్యాయపోరాటం చేసి చివరకు విజయం సాధించాడు. సుమారు 9 ఏళ్ల పాటు న్యాయస్థానంలో పోరాడి రూ. 3 లక్షల పరిహారాన్ని పొందాడు.

COMPENSATION FOR DOG DEATH: సుమారు 9 ఏళ్ల సుదీర్ఘ పోరాటం తరువాత న్యాయస్థానంలో విజయం సాధించాడు ఓ వ్యక్తి. ఓ కంపెనీలో సెక్యూరిటీ విభాగంలో పని చేస్తున్న కుక్క... రోడ్డు ప్రమాదంలో చనిపోవడం వల్ల దాని నుంచి వచ్చే ఆదాయాన్ని అతడు కోల్పోయాడు. దీంతో శునకం మరణానికి కారణం అయిన వారిపై కేసు పెట్టి కోర్టుకు వెళ్లాడు. సుమారు 8 ఏళ్ల 11 నెలల తరువాత పరిహారం పొందాడు.

అసలు ఏం జరిగిందంటే?

మహారాష్ట్రలోని చంద్రాపుర్​కు చెందిన ఉమేశ్​ భత్కార్​కు ఓ కుక్క ఉంది. దాని పేరు జాన్​. ఆ శునకం ఓ కంపెనీలో సెక్యూరిటీ విభాగంలో పని చేసేది. దీని ద్వారా యజమానికి నెలకు రూ. 8 వేలు వచ్చేవి. ఓ రోజు ఉదయం వాకింగ్​కు వెళ్లి వస్తుంటే స్థానికంగా ఉండే ఓ స్కూల్​ బస్​ ఆ శునకాన్ని ఢీ కొట్టింది. ఈ ఘటనలో జాన్​ అక్కడికక్కడే మరణించింది.

ఈ ఘటనపై ఉమేశ్​.. పాఠశాల యాజమాన్యం, ట్రావెల్స్​ కంపెనీ మీద కేసు పెట్టారు. దీనిపై వారిని ప్రశ్నించగా.. వారు మిన్నుకుండి పోయారు. దీంతో ఆ శునకానికి చేసిన శవపరీక్షల నివేదికలను తీసుకుని చంద్రాపుర్​లోని మోటార్​ యాక్సిడెంట్స్​ క్లైం ట్రైబ్యునల్​ను ఆశ్రయించాడు. కుక్కను చంపిన కారణంగా తన జీవన భృతికి ఇబ్బంది కలిగిందని వారిపై కోర్టులో పిటిషన్ దాఖలు చేశాడు. బజాజ్​ అలయన్స్​, ట్రావెల్​ కంపెనీ ఓనర్​, డ్రైవర్​ను ఇందులో నిందితులుగా చేర్చాడు. రూ.5 లక్షలు ఇవ్వాలని కోర్టు ద్వారా కోరాడు.

దీనిపై విచారణ చేపట్టిన ధర్మాసనం చివరకు ఉమేశ్​ భత్కర్​కు అనుకూలంగా తీర్పు ఇచ్చింది.

ఇదీ చూడండి:కుక్క పేరు తెచ్చిన తంట.. మహిళ ఒంటికి నిప్పంటించి..