అవినీతి కేసులో దేశ్​ముఖ్​కు సీబీఐ సమన్లు

నెలకు రూ. 100 కోట్లు వసూలు చేయాలని పోలీసులకు ఆదేశాలు ఇచ్చినట్లు ఆరోపణలు ఎదుర్కొంటున్న మహారాష్ట్ర మాజీ హోంమంత్రి అనిల్ దేశ్​ముఖ్​కు సీబీఐ సమన్లు జారీ చేసింది. కేసుపై వివరాలు వెల్లడించేందుకు ఏప్రిల్ 14న హాజరు కావాలని ఆదేశించింది.

అవినీతి ఆరోపణల కేసులో మహారాష్ట్ర మాజీ హోంమంత్రి అనిల్ దేశ్​ముఖ్​కు సీబీఐ సమన్లు జారీ చేసింది. ఏప్రిల్ 14న తమ ముందు హాజరు కావాలని ఆదేశించింది.

ముంబయి మాజీ సీపీ పరంబీర్ సింగ్ చేసిన ఆరోపణలపై సీబీఐ విచారణ చేస్తోంది. నెలకు రూ. 100 కోట్లు వసూలు చేయాలంటూ పోలీసులకు దేశ్​ముఖ్ ఆదేశాలు ఇచ్చారని పరంబీర్ ఆరోపణలు చేశారు. బార్లు, రెస్టారెంట్ల నుంచి డబ్బులు వసూలు చేయాలని సూచించినట్లు చెప్పారు.

ఈ కేసులో.. పరంబీర్​ సింగ్​తో పాటు సస్పెండెడ్ పోలీస్ అధికారి అయిన సచిన్​ వాజేను సీబీఐ ఇప్పటికే ప్రశ్నించింది. దేశ్​ముఖ్ వ్యక్తిగత సలహాదారులకూ సమన్లు పంపింది.

ఇదీ చదవండి:దేశ్​ముఖ్​కు సుప్రీంలో షాక్- పిటిషన్ కొట్టివేత