ఉత్తరాఖండ్​ సీఎంగా ధామీ ప్రమాణస్వీకారం

Uttarakhand CM: ఉత్తరాఖండ్​ ముఖ్యమంత్రిగా పుష్కర్​ సింగ్​ ధామీ బుధవారం ప్రమాణస్వీకారం చేశారు. ఈ కార్యక్రమానికి ప్రధాని నరేంద్ర మోదీ, కేంద్రమంత్రి నితిన్ గడ్కరీ సహా పలువురు భాజపా నేతలు హాజరయ్యారు. ఇటీవల జరిగిన ఎన్నికల్లో ఖటిమా నియోజకవర్గంలో ధామీ పోటీ చేసి ఓడిపోయారు.

Uttarakhand CM: ఉత్తరాఖండ్​ ముఖ్యమంత్రిగా పుష్కర్ సింగ్​ ధామీ మరోసారి బాధ్యతలు చేపట్టారు. బుధవారం.. దెహ్రాదూన్​లో సీఎంగా ప్రమాణస్వీకారం చేశారు ధామీ. ఈ కార్యక్రమానికి ప్రధాని నరేంద్ర మోదీ, కేంద్రమంత్రి నితిన్​ గడ్కరీ సహా భాజపా నేతలు​ యోగి ఆదిత్యనాథ్​, ప్రమోద్​ సావంత్​ హాజరయ్యారు.

ఉత్తరాఖండ్​కు​ ముఖ్యమంత్రిగా బాధ్యతలు నిర్వహించిన ధామీ.. ఇటీవల జరిగిన ఎన్నికల్లో ఖటిమా నియోజకవర్గంలో పోటీ చేసి ఓడిపోయారు. అయినా భాజపా నేతలు.. పార్టీ విజయానికి ధామీనే కారణమని పేర్కొంటూ ఆయనను ఏకగ్రీవంగా ఎన్నుకున్నారు. ముఖ్యమంత్రి రేసులో పుష్కర్​ సింగ్ సహా ఎమ్మెల్యేలు సత్పాల్​ మహరాజ్​, ధన్​ సింగ్​ రావత్​, రాజ్యసభ ఎంపీ అనిల్​ బలుని, కేంద్ర మాజీ మంత్రి రమేశ్​ పోఖ్రియాల్​ నిశాంక, రక్షణ శాఖ సహాయ మంత్రి అజయ్​ భట్​ పేర్లు తెరపైకి వచ్చాయి. కానీ చివరకు ధామీకే జై కొట్టారు ఎమ్మెల్యేలు.

ఇదీ చూడండి :45ఏళ్ల భర్తను వదిలి.. 22ఏళ్ల ప్రేమికుడితో వెళ్లి.. 25సిమ్​లు మార్చి..