నుస్రత్ జహాన్ పెళ్లి వ్యవహారంలో కొత్త చిక్కులు!

నటి, తృణమూల్ కాంగ్రెస్ ఎంపీ నుస్రత్ జహాన్​కు కొత్త చిక్కులు వచ్చిపడ్డాయి. తన పెళ్లి చెల్లదని ఆమె చేసిన వ్యాఖ్యలపై భాజపా ఎంపీ సంఘమిత్ర అభ్యంతరం తెలిపారు. లోక్​సభ బయోడేటాలో తనకు పెళ్లైందని చెప్పి, పేరు చివరన భర్త పేరు కలిపి ప్రమాణ స్వీకారం చేసిన ఆమెపై స్పీకర్​కు ఫిర్యాదు చేస్తామన్నారు.

నటి, తృణమూల్ కాంగ్రెస్ ఎంపీ నుస్రత్ జహాన్​.. తన పెళ్లి చెల్లదని చేసిన వ్యాఖ్యలపై భాజపా ఎంపీ సంఘమిత్ర మౌర్య అభ్యంతరం తెలిపారు. లోక్​సభ బయోడేటాలో తనకు వివాహమైందని, భర్త పేరు నిఖిల్ జైన్​ అని నుస్రత్​ జహాన్ పేర్కొన్నారని గుర్తు చేశారు. ప్రమాణ స్వీకార సమయంలోనూ తన పేరు చివరన భర్త పేరు కలిపి నుస్రత్​ జహాన్​ రూహీ జైన్​ అని చదివారని వివరించారు. ఇప్పుడు ఆమె పెళ్లి చెల్లదనడమేంటని ప్రశ్నించారు.

ఈ విషయంపై లోక్​సభ స్పీకర్​కు ఫిర్యాదు చేస్తానని సంఘమిత్ర మౌర్య చెప్పారు. తక్షణమే చర్యలు తీసుకోవాలని విజ్ఞప్తి చేస్తానన్నారు.

ఇదీ చూడండి:నిఖిల్​తో పెళ్లైంది.. కానీ చెల్లదు: ఎంపీ నుస్రత్​