బిమ్స్టెక్(బే ఆఫ్ బంగాల్ ఇనీషియేటివ్ ఫర్ మల్టీ సెక్టోరల్ టెక్నికల్ అండ్ ఎకనామిక్ కోఆపరేషన్) విజయవంతమైన ప్రాంతీయ కూటమిగా ఎదుగుతోందని ప్రధాని నరేంద్ర మోదీ అన్నారు. ప్రాంతీయ కూటమిగా సభ్యదేశాల ప్రజల ఆకాంక్షలను నెరవేర్చేలా ఉందన్నారు. బిమ్స్టెక్ విజయవంతమైన ప్రాంతీయ కూటమిగా సభ్యదేశాల ప్రజల ఆకాంక్షలను నెరవేర్చేలా ఎదుగుతోందని ప్రధాని మోదీ పేర్కొన్నారు. ఈ దిశగా అనుసంధాన మాస్టర్‌ ప్లాన్ల రూపకల్పన వంటి అనేక అంశాల్లో ఇప్పటికే పురోగతిని సాధించిందన్నారు.
భారత్‌తోపాటు బంగ్లాదేశ్, మయన్మార్, శ్రీలంక, థాయ్ లాండ్, నేపాల్, భూటాన్లతో కూడిన ఈ కూటమి 24వ వార్షికోత్సవం సందర్భంగా ప్రధాని మోదీ సందేశమిచ్చారు. ఈ కూటమి మరింత ప్రగతిని సాధించి బంగాళాఖాతం ప్రాంతంలో భద్రత, శాంతి, సౌభాగ్యాలు విలసిల్లేలా సహకారం అందించడంలో ఉన్నత శిఖరాలకు చేరుతుందన్న విశ్వాసాన్ని వ్యక్తం చేశారు.