ఉత్తరాఖండ్ హరిద్వార్లో దారుణం చోటుచేసుకుంది. మొబైల్ దొంగలించాడన్న అనుమానంతో పక్కింటివారే జుల్ఫాన్ యువకుడిని తీవ్రంగా కొట్టిన ఘటన సిడ్కుల్ ఠాణా పరిధిలోని గాడోవాలిలో జరిగింది. చెట్టుకు తలకిందులుగా వేలాడదీసి ఇష్టారీతిన చితకబాదిన వీడియో వైరల్ అయింది. పోలీసులు ఫిర్యాదు తీసుకుని కేసు నమోదు చేశారు.
వీడియో చూసి నిర్ఘాంతపోయామని పోలీసులు తెలిపారు. ఘటనకు కారణమైన వారిని కచ్చితంగా శిక్షిస్తామని స్పష్టం చేశారు. వీడియో ఆధారంగా ముగ్గురిపై కేసు నమోదు చేశారు.
తప్పుడు ఆరోపణలు చేసి కావాలని కొట్టారని జుల్ఫాన్ ఆవేదన వ్యక్తం చేశాడు. వారికి తప్పనిసరిగా శిక్ష పడాల్సిందేనన్నాడు.
మొబైల్ పోయిందని చెట్టుకు వేలాడదీసి చితకబాదారు