'ఈ పామే నన్ను కాటేసింది డాక్టర్​ గారూ!'

ఓ మహిళా రైతు తనను కాటేసిన పామును తీసుకొని నేరుగా ఆసుపత్రికి వెళ్లి అందరినీ కంగారు పెట్టిన ఘటన కర్ణాటక బీదర్​లో జరిగింది. మొదట పామును చూసి భయపడిన వైద్యులు.. తరువాత తేరుకుని బాధితురాలికి వైద్యం అందించారు.

సాధారణంగా ఎవరైనా పాము కాటేస్తే ఏం చేస్తారు? భయంతో పరుగుపరుగున ఆసుపత్రికి వెళ్లి చికిత్స చేయించుకుంటారు.. కదా! కానీ ఓ మహిళా రైతు.. తనను కాటేసిన పామును చంపేసి, దానిని నేరుగా ఆసుపత్రికి తీసుకెళ్లి... వైద్యం చేయమని అడిగింది. ఈ ఘటన కర్ణాటక బీదర్​లో జరిగింది.

పాము కాటుకు గురైన మహిళా రైతు

బీదర్ జిల్లా బాల్కి తాలూకాలోని తల్వాడ్​ (ఎం) గ్రామానికి చెందిన షీలాబాయి అనే మహిళా రైతు.. పొలం పనులు చేసుకుంటూ ఉండగా పాము కరిచింది. దీనితో కంగారుపడిన ఆమె పక్కనున్న ఓ రాయిని తీసుకుని పామును చంపేసింది. తరువాత దానిని మంటల్లో వేసి కాల్చింది. తరువాత ఏమనుకుందో ఏమో.. ఆ పామును మంటల్లో నుంచి తీసి.. నేరుగా స్థానిక ప్రభుత్వ ఆసుపత్రికి వెళ్లింది. 'ఈ పామే నన్ను కాటేసింది' అని వైద్యులకు చూపించింది. మొదట కంగారుపడిన వైద్యులు.. తరువాత ఆమెకు వైద్యం అందించారు.

మహిళా రైతుని కాటేసి మరణించిన పాము

ఇదీ చూడండి:'ఆకలైతేనే వేటాడతా'.. పులికి సమీపంగా నెమలి