భారతీయ జనతా పార్టీ, రాష్ట్రీయ స్వయం సేవక్ సంఘ్ (ఆర్ఎస్ఎస్)పై తన సైద్ధాంతిక పోరు ఆగదని స్పష్టం చేశారు రాహుల్ గాంధీ. గత ఐదేళ్లతో పోలిస్తే 10 రెట్లు రెట్టించిన శక్తితో వారి సిద్ధాంతాలకు వ్యతిరేకంగా పోరాడతామని ప్రకటించారు. తానెప్పుడూ పేదలు, రైతులు, కార్మికుల పక్షమేనని స్పష్టం చేశారు.
భాజపాపై సైద్ధాంతిక పోరు ఆగదు
ఆర్ఎస్ఎస్, భాజపా సిద్ధాంతాలే గౌరీ లంకేశ్ ప్రాణాలు తీశాయని రాహుల్ గతంలో వ్యాఖ్యానించారు. ఆ వ్యాఖ్యలపై వేసిన పరువునష్టం కేసు విచారణ నిమిత్తం ముంబయి కోర్టులో హాజరయ్యారు రాహుల్. అనంతరం పాత్రికేయులతో మాట్లాడారు.