దేశంలో ఎన్నో సంస్కరణలు తీసుకొచ్చాం: జైశంకర్​

దేశంలో ఎన్నో సాహోసోపేత సంస్కరణలు అమలు చేశామని విదేశీ వ్యవహారాల శాఖ మంత్రి జైశంకర్ ఉద్ఘాటించారు. సింగపూర్​లో జరిగిన వ్యూహాత్మక భాగస్వామ్య సదస్సు ప్రారంభోత్సవంలో జైశంకర్​ ప్రసంగించారు. జీఎస్టీ, దివాలా చట్టం తదితరాలను తీసుకొచ్చామన్నారు.

సాహసోపేత నిర్ణయాలు తీసుకోవడానికి భారత ప్రభుత్వం ఏమాత్రం వెనకాడబోదని విదేశీ వ్యవహారాల శాఖ మంత్రి జైశంకర్ స్పష్టం చేశారు. సింగపూర్‌లో జరిగిన వ్యూహాత్మక భాగస్వామ్య సదస్సు ప్రారంభోత్సంవంలో పాల్గొన్నారు జైశంకర్​. ఈ దశాబ్దంలోనే అతి పెద్ద పన్ను సంస్కరణ.. జీఎస్టీని అమలు చేశామని చెప్పారు.

ఆర్థిక రంగానికి ఊతమివ్వడంతో పాటు, నిరర్ధక ఆస్తులను విడిపించం కోసం దివాలా చట్టాన్ని అమలులోకి తెచ్చామని అన్నారు. ఈ చర్యల కారణంగా భవిష్యత్తులో బ్యాంకులు సమర్థవంతంగా తయారవుతాయని, రుణాలను తిరిగి రాబట్టుకొని, ఆర్థిక వ్యవస్థను సక్రమంగా నడిపించుకోవడానికి ఇవి ఉపయోగపడతాయని తెలిపారు.

చైనా తీసుకుంటున్న ఏకపక్ష ఆర్థిక విధానాలు ఆసియాలో జరిగే వర్తక ఒప్పందాలపై ప్రభావం చూపుతున్నాయని అన్నారు. చైనా రక్షణాత్మక విధానాల వల్ల 2019 మార్చి నాటికి భారత్‌కు 53.6 బిలియన్ డాలర్ల వాణిజ్య లోటు ఏర్పడిందని తెలిపారు. ఉగ్రవాదం నుంచి తమని తాము రక్షించుకుంటామని జైశంకర్ స్పష్టం చేశారు.

ఇదీ చూడండి:బాబ్రీ కేసులో కల్యాణ్​సింగ్​పై​ విచారణకు సీబీఐ సిద్ధం!