లైవ్​ వీడియో: నల్లని ఆకారం చూసి ఆగిన వృద్ధుడి గుండె!

తన చుట్టూ తిరిగుతున్న నల్లని ఆకారం చూసి ఓ వృద్ధుడు గుండెపోటుతో మరణించిన ఘటన ఉత్తర్​ప్రదేశ్​ మేరఠ్​​ జిల్లాలో జరిగింది. ప్రస్తుతం ఈ దృశ్యాలు సామాజిక మాధ్యమాల్లో వైరల్​గా మారాయి. అయితే కొందరు నల్లటి ఆకారాన్ని దయ్యం అని.. మరికొందరు మూఢనమ్మకమని పేర్కొంటున్నారు. ఇంతకి అక్కడ జరిగిందేమిటీ?

యూపీ మేరఠ్​ జిల్లా గగోల్​ గ్రామంలో ఓ వృద్ధుడి మరణం తీవ్ర కలకలం రేపుతోంది. సీసీటీవీ ఫుటేజ్​ స్థానికుల గుండెల్లో దడ పుట్టిస్తోంది. తన గ్యారేజ్​కి వెళ్లిన వృద్ధుడు ఏదో తనను చట్టుముట్టినట్లు కంగారు పడి అక్కడికక్కడే కుప్పకూలి ప్రాణాలు కోల్పాడు.

ఈ నెల 19న.. జురాన్​పుర్​లో ఉన్న తన గ్యారేజ్​కి వెళ్లిన ఇర్షాద్ అనే వృద్ధుడు.. ఆకస్మాత్తుగా మృతి చెందాడు. ఏం జరిగిందో తెలుసుకునేందుకు సీసీటీవీ దృశ్యాలను పరిశీలించారు బంధువులు. ఇర్షాద్​ రాక ముందే దుకాణ ప్రాంగణంలో చక్కర్లు కొడుతూ కనిపించింది ఓ నల్లని ఆకారం. మామూలుగా నడుచుకుంటూ వస్తున్న ఇర్షాద్​ ఒక్కసారిగా ఆగిపోయాడు. అతడి చుట్టూ ఏదో తిరుగుతున్నట్టు అనిపించి చుట్టూ చూశాడు. అంతే.. తీవ్రంగా భయపడ్డ వృద్ధుడు గుండెపోటుకు గురయ్యాడు. నిల్చున్న చోటే కుప్పకూలి ప్రాణాలు ఒదిలాడు.

"మా అన్నయ్య ఇంట్లో భోజనం చేసి అక్కడికి వెళ్లాడు. అక్కడ ఆయనకు ఓ వింత ఆకారం కనిపించింది. అది చూశాకే ఆయన మృతి చెందాడు."
-నూర్​ మహమ్మద్​, మృతుడి సోదరుడు

అయితే, ఈ వీడియో చూసిన కొందరు ఆ నల్లటి పొగ దయ్యమేనని.. అది వృద్ధుడిని వెంటాడినందుకే అతడికి గుండెపోటు వచ్చిందని ప్రచారం చేస్తున్నారు. మరికొందరు అవన్నీ కేవలం మూఢనమ్మకాలేనని కొట్టిపారేస్తున్నారు.

ఇదీ చదవండి:నితిన్​ గడ్కరీ బౌలింగ్​లో.. హార్దిక్​ పాండ్య సిక్సర్​