ఉన్నావ్ జైలులో ఖైదీల చేతుల్లో తుపాకులు

ఉత్తరప్రదేశ్​ ఉన్నావ్​ కారాగారంలో కొందరు ఖైదీల వద్ద తుపాకులు ఉండటం, వారు జైలు గదుల్లోనే మద్యం సేవిస్తున్న దృశ్యాలు సామాజిక మాధ్యమాల్లో వైరల్ అవుతున్నాయి. ఈ ఘటనపై స్పందించిన జిల్లా ఎస్పీ బాధ్యులపై కఠిన చర్యలు తీసుకుంటామని తెలిపారు.

జైళ్లు నేరస్థుల విలాసాలకు అడ్డాలుగా మారుతున్నాయన్న ఆరోపణలకు బలం చేకూర్చేలా ఉత్తరప్రదేశ్​లోని ఉన్నావ్​ కారాగరంలో ఓ ఘటన జరిగింది. ఇద్దరు ఖైదీలు జైల్లోనే తుపాకులు పట్టుకొని ఫోటోలకు పోజులివ్వడం, కారాగారంలోనే మద్యం సేవిస్తున్న దృశ్యాలు తాజాగా వెలుగులోకి వచ్చాయి.

సామాజిక మాధ్యమాల్లో విపరీతంగా వైరల్​ అవుతున్న ఈ దృశ్యాలపై జిల్లా ఎస్పీ స్పందించారు. ఈ ఘటనపై ఉన్నతాధికారులకు ఇప్పటికే నివేదిక సమర్పించామన్న ఆయన.. బాధ్యులపై కఠిన చర్యలు తీసుకుంటామని తెలిపారు.

జైల్లో కనిపిస్తున్న అమరేష్​, దేవేంద్ర ప్రతాప్​ గౌరవ్​లు ఇద్దరూ జీవిత ఖైదు అనుభవిస్తున్న కరుడుగట్టిన నేరస్థులు.

ఇదీ చూడండి: కన్నడ ఎంపీ ప్రసంగానికి వెంకయ్య అనువాదం