భాజపా జాతీయ ఉపాధ్యక్షురాలిగా ఉమాభారతి

కేంద్రమంత్రి ఉమా భారతికి భారతీయ జనతా పార్టీ అగ్రనాయకత్వంలో చోటు దక్కింది. ఆమెను భాజపా జాతీయ ఉపాధ్యక్షురాలిగా నియమిస్తూ పార్టీ అధిష్టానం నిర్ణయం తీసుకుంది. ఈ లోక్​సభ ఎన్నికల బరి నుంచి తప్పుకుంటున్నట్లు ఇంతకుముందే ప్రకటించారు ఉమా భారతి.

కేంద్ర నీటి వనరులు, నదుల అభివృద్ధి మంత్రి ఉమాభారతికి భారతీయ జనతా పార్టీలో ఉన్నత పదవి దక్కింది. ఆమెను భాజపా జాతీయ ఉపాధ్యక్షురాలిగా నియమిస్తున్నట్లు పార్టీ ప్రకటించింది. ఈ లోక్​సభ ఎన్నికల్లో పోటీ చేయనని ఇప్పటికే ప్రకటించారు ఉమాభారతి. ఈ నేపథ్యంలో భాజపా అధిష్టానం ఆమెకు ఈ బాధ్యతలు అప్పగించింది.

ప్రస్తుతం ఉత్తరప్రదేశ్​లోని ఝాన్సీ లోక్​సభ స్థానానికి ప్రాతినిధ్యం వహిస్తున్నారు ఉమాభారతి. హిందుత్వ నాయకురాలైన ఆమె 18 నెలలు తీర్థయాత్రలకు వెళ్లాలని కోరుకుంటున్నట్లు పేర్కొన్నారు.

భారతీయ జనతా పార్టీలో చురుకుగా పాల్గొంటారు ఉమా భారతి. 2003 డిసెంబర్​ నుంచి 2004 ఆగస్టు వరకు మధ్యప్రదేశ్​ 15వ ముఖ్యమంత్రిగా ఆమె సేవలందిచారు.