ఉద్ధవ్ ఠాక్రే.. మహారాష్ట్ర ముఖ్యమంత్రిగా బాధ్యతలు స్వీకరించిన తర్వాత తొలి సారి ప్రధానమంత్రి నరేంద్ర మోదీని కలిశారు. ఓ అధికారిక కార్యక్రమానికి హాజరయ్యేందుకు మహారాష్ట్ర వచ్చిన ప్రధానికి.. సీఎం ఉద్ధవ్ ఠాక్రే.. పుణె విమానాశ్రయంలో స్వాగతం పలికారు.
భాజపా కూటమిని వీడిన శివసేన పార్టీ.. ఎన్సీపీ, కాంగ్రెస్ మద్దతుతో మహారాష్ట్ర గద్దెనెక్కిన విషయం తెలిసిందే. ఈ పరిణామాల నేపథ్యంలో మోదీ, ఠాక్రేలు తొలిసారి కలుసుకోవడం ప్రాధాన్యం సంతరించికుంది.
పుణె విమానాశ్రయంలో ఠాక్రేతో పాటు కేంద్ర హోం మంత్రి అమిత్ షా, మహారాష్ట్ర గవర్నర్ భగత్ సింగ్ కోశ్యారీ, భాజపా నేత దేవేంద్ర ఫడణవీస్లు ప్రధానికి స్వాగతం పలికారు.