ఏఎన్-32 యుద్ధవిమాన ప్రమాదంలో మృతిచెందిన 13 మంది కుటుంబ సభ్యులకు ట్విట్టర్లో సానుభూతి తెలిపారు కాంగ్రెస్ అధ్యక్షుడు రాహుల్ గాంధీ. సాహసవీరుల త్యాగాలకు దేశం రుణపడి ఉంటుందని కాంగ్రెస్ ట్వీట్ చేసింది.
" తప్పిపోయిన ఏఎన్-32 యుద్ధవిమానంలోని 13 మంది క్షేమంగా ఉండాలని పదిరోజులుగా దేశ ప్రజలంతా ప్రార్థించారు. వారందరూ మృతిచెందడం విచారకరం. విధి నిర్వహణలో ప్రాణాలు కోల్పోయిన 13 మంది కుటుంబాలకు ప్రగాఢ సానుభూతి తెలియజేస్తున్నా. "
-రాహుల్ గాంధీ ట్వీట్.
పంజాబ్, అరుణాచల్ ప్రదేశ్, హరియాణా ముఖ్యమంత్రులు.. మృతుల కుటుంబాలకు ప్రగాఢ సానుభూతి తెలుపుతూ ట్వీట్లు చేశారు.
జూన్‌ 3న అరుణాచల్ ప్రదేశ్ సియాంగ్ జిల్లా పయూమ్‌ పరిధిలో ఏఎన్-32 విమానం గల్లంతయింది. ఈ విమానంలో ప్రయాణించిన వారంతా ప్రాణాలు కోల్పోయినట్లు భారత వాయుసేన గురువారం అధికారికంగా ట్విట్టర్ ద్వారా తెలిపింది. వెంటనే ట్విట్టర్ నెటిజన్లంతా మృతులకు సంతాపం తెలుపుతూ ట్వీట్లు చేశారు.
"ఏఎన్-32 విమాన ప్రమాదంలో అమరులైన వాయు సైనికులకు నివాళులు అర్పిస్తున్నా'
-ట్విట్టర్లో ఓ నెటిజన్
"విచారకర వార్త. ధీరులకు నివాళులు. వారంతా ప్రమాదంలో మరణించారని, సాయం అందక కాదని అధికారులు స్పష్టత ఇవ్వగలరా? శవపరీక్షలో నిజాలు తెలుస్తాయి."
-ఓ నెటిజన్ ట్వీట్
ఇదీ చూడండి: ఏఎన్-32 విమానంలో గల్లంతైన వారంతా మృతి
