ముమ్మారు తలాక్ బిల్లుకు రాజ్యసభ ఆమోదం లభించింది. బిల్లుకు అనుకూలంగా 99, వ్యతిరేకంగా 84 ఓట్లు వచ్చాయి. బిల్లును మొదట మూజువాణి ఓటుతో ఆమోదం తెలపగా, విపక్షాలు డివిజన్‌ కోరగా... ఓటింగ్ నిర్వహించారు.
లైవ్: తలాక్ బిల్లుకు రాజ్యసభ ఆమోదం
కాసేపట్లో రాజ్యసభ ముందుకు తలాక్ బిల్లు
18:46 July 30
బిల్లుకు రాజ్యసభ ఆమోదం
18:18 July 30
వీగిపోయిన సెలక్ట్ కమిటీ ప్రాతిపాదన
- బిల్లును సెలెక్ట్ కమిటీకి పంపాలనే ప్రతిపాదనకు వ్యతిరేకంగా ఓటు
- సెలెక్ట్ కమిటీకి పంపాలనే ప్రతిపాదనకు అనుకూలంగా84,వ్యతిరేకంగా100ఓట్లు
18:06 July 30
ఓటింగ్ ప్రారంభం
ముమ్మారు తలాక్ బిల్లు ఆమోదానికై రాజ్యసభలో ఓటింగ్ ప్రారంభమైంది.
15:21 July 30
అన్నాడీఎంకే వాకౌట్...
బిల్లును వ్యతిరేకిస్తూ ఓటింగ్ సమయంలో వాకౌట్ చేస్తామని అన్నాడీఎంకే తెలిపింది.
14:21 July 30
వ్యతిరేకించనున్న వైకాపా...
ముమ్మారు తలాక్ బిల్లును తాము వ్యతిరేకిస్తున్నట్లు వైకాపా స్పష్టం చేసింది. ఓటింగ్లో బిల్లుకు వ్యతిరేకంగా ఓటు వేస్తామని ఆ పార్టీ సభ్యుడు విజయసాయిరెడ్డి తెలిపారు.
14:06 July 30
తిరిగి ప్రారంభం...
వాయిదా అనంతరం తిరిగి ప్రారంభమైన చర్చ. ముమ్మారు తలాక్ బిల్లుపై చర్చిస్తున్న సభ్యులు.
13:14 July 30
మధ్యాహ్నానికి వాయిదా...
రాజ్యసభ మధ్యాహ్నం 2 గంటలకు వాయిదా పడింది. వాయిదా అనంతరం ముమ్మారు తలాక్ బిల్లుపై చర్చ కొనసాగనుంది.
12:34 July 30
జేడీయూ వాకౌట్...
ముమ్మారు తలాక్ బిల్లును వ్యతిరేకిస్తూ సభ నుంచి ఎన్డీఏ మిత్రపక్షం జేడీయూ సభ్యులు వాకౌట్ చేశారు.
12:16 July 30
కాంగ్రెస్ వాదన...
కాంగ్రెస్ తరఫున అమీ యాగ్నిక్ మాట్లాడారు.
"మహిళల సమస్యలపై మేజిస్ట్రేట్‌ కోర్టులో విచారణ సరికాదు. కుటుంబ కోర్టులోనే విచారించాలి. మహిళ.. తన పిల్లల సంరక్షణ, భరణంపై కోర్టులో మొరపెట్టుకునే పరిస్థితి ఉంది." - అమీ యాగ్నిక్
12:04 July 30
చర్చ ప్రారంభం...
రాజ్యసభలో తలాక్ బిల్లుపై చర్చ ప్రారంభమైంది. న్యాయశాఖ మంత్రి రవిశంకర్ ప్రసాద్ బిల్లును ప్రవేశపెట్టారు. ముమ్మారు తలాక్ ద్వారా ముస్లిం మహిళలు ఎదుర్కొంటున్న సవాళ్లపై మాట్లాడారు.
"మన మహిళలు ఆధునికత వైపు దూసుకెళ్తున్నారు. చంద్రయాన్‌ ప్రయోగంలో పాలుపంచుకుంటున్నారు. మహిళలను రోడ్డుపాలు చేయడం ఎంతవరకు సమంజసం?" - రవిశంకర్ ప్రసాద్, న్యాయశాఖ మంత్రి
11:46 July 30
పెద్దల సభలో గట్టెక్కేనా?
భాజపా నేతృత్వంలోని ఎన్డీఏ ప్రభుత్వానికి లోక్సభలో పూర్తి స్థాయి మెజారిటీ ఉంది. దిగువ సభలో బిల్లుకు సునాయాసంగా ఆమోదం లభించింది. అయితే..ఎగువ సభలో సరిపడ సంఖ్యా బలం లేదు. బిల్లును విపక్షాలు వ్యతిరేకిస్తున్న నేపథ్యంలో రాజ్యసభలో ఆమోదం లభించటం అంత సులువు కాదన్నది విశ్లేషకుల మాట. తలాక్ బిల్లు 16వ లోక్సభలోనే ఆమోదం పొందినప్పటికీ... రాజ్యసభలో మోక్షం లభించని విషయం తెలిసిందే.
11:26 July 30
రాజ్యసభ ముందుకు...
ముస్లిం మహిళల రక్షణ కోసం రూపొందించిన ముమ్మారు తలాక్ బిల్లు కాసేపట్లో రాజ్యసభలో నేడు చర్చకు రానుంది. బిల్లును ఆమోదింపజేయాలని బలమైన లక్ష్యంతో ఉంది కేంద్రం. ఈ మేరకు పార్టీ ఎంపీలకు విప్ జారీ చేసింది భాజపా. మంగళవారం తప్పనిసరిగా పార్టీ ఎంపీలందరూ సభకు హాజరుకావాలని ఆదేశించింది.
ఇటీవలే తలాక్ బిల్లుకు మూజువాణి ఓటుతో లోక్సభలో ఆమోదం లభించింది. బిల్లుపై దిగువ సభలో చర్చ సందర్భంగా కాంగ్రెస్, సమాజ్వాదీ పార్టీ, తృణమూల్ కాంగ్రెస్, డీఎమ్కే పార్టీలు సభ నుంచి వాకౌట్ చేశాయి.
ప్రధాని నరేంద్ర మోదీ రెండోసారి అధికారం చేపట్టిన అనంతరం పార్లమెంటు తొలి సెషన్లో లోక్సభ ముందుకు తీసుకువచ్చిన మొదటి బిల్లు ఇదే. కాంగ్రెస్, తృణమూల్ కాంగ్రెస్, డీఎంకే వంటి పార్టీలు బిల్లును పార్లమెంటరీ కమిటీ పరిశీలనకు పంపాలని దిగువ సభలో డిమాండ్ చేశాయి. ఇందుకు సమాధానంగా లింగసమానత్వం, సామాజిక న్యాయం జరిగేలా బిల్లును రూపొందించినట్లు ప్రభుత్వం పేర్కొంది.
Last Updated : Jul 30, 2019, 6:51 PM IST