చెన్నై దాహం తీర్చేందుకు ప్రత్యేక రైలు

చెన్నై ప్రజల నీటి కష్టాలను తీర్చేందుకు రైలు ట్యాంకర్ ద్వారా నీటి సరఫరా చేసేందుకు తమిళనాడు ప్రభుత్వం ఏర్పాట్లు చేసింది. వెల్లూరు జిల్లా జోలార్​పేట రైల్వే స్టేషను నుంచి చెన్నైకు మొదటి ట్యాంకరు వెళ్లింది.

తమిళనాడు రాజధాని చెన్నైలో నీటి ఎద్దడిని తగ్గించేందుకు అక్కడి ప్రభుత్వం అందుబాటులో ఉన్న అన్ని మార్గాలను ఉపయోగిస్తోంది. ఇప్పటికే సముద్రపు నీటిని మంచి నీరుగా మార్చే ప్లాంటులను ఏర్పాటు చేసింది. తాజాగా రైలు ద్వారా నీటిని సరఫరా చేస్తోంది.

వెల్లూరు జిల్లా జోలార్​పేట రైల్వే స్టేషన్​ నుంచి చెన్నైకు తొలి రైలు ట్యాంకర్​ పంపింది రాష్ట్ర ప్రభుత్వం. అధికారులు పూజలు నిర్వహించి జెండా ఊపిన తర్వాత ట్యాంకర్​ బయలుదేరింది.

గతంలో ఎన్నడూ లేనంతగా చెన్నైలో నీటి ఎద్దడి నెలకొంది. అనేక సాఫ్ట్​వేర్​ సంస్థలు ఇంటి వద్ద నుంచే తమ ఉద్యోగులను పనిచేయాలని సూచించాయంటే పరిస్థితి ఎంత తీవ్రంగా అంచనా వేయొచ్చు.

ఇదీ చూడండి: చెన్నై నీటి సమస్యపై స్పందించిన టైటానిక్ హీరో