దేశంలో 600 దాటిన కరోనా కేసులు: కేంద్ర ఆరోగ్యశాఖ

దేశంలో కరోనా కేసులు రోజురోజకు పెరిగుతున్నాయి. ఇప్పటివరకు భారత్​లో 606మందికి వైరస్​ సోకింది. ఈ మేరకు కేంద్ర ఆరోగ్య, కుటుంబ సంక్షేమ మంత్రిత్వ శాఖ ప్రకటన విడుదల చేసింది.

దేశంలో కరోనా విజృంభిస్తున్న నేపథ్యంలో.. ఈ మహమ్మారి కేసులపై వివరణ ఇచ్చింది కేంద్ర ఆరోగ్య, కుటుంబ సంక్షేమ మంత్రిత్వ శాఖ. దేశవ్యాప్తంగా ఇప్పటివరకు 606 ​ కేసులు నమోదైనట్లు తెలిపింది. అందులో 553 యాక్టివ్​ కేసులున్నట్లు పేర్కొంది.

ఇప్పటివరకు మహమ్మారి బారిన పడి 10 మంది మృతి చెందినట్లు స్పష్టం చేసింది ఆరోగ్యశాఖ. 42 మంది పూర్తిగా కోలుకున్నట్లు వివరించింది.