కేరళలో మరో ఏనుగు మృతి.. కారణమిదే

కేరళ పాలక్కాడ్​లో ఐదేళ్ల వయసున్న ఓ ఏనుగు మృతదేహాన్ని అధికారులు గుర్తించారు. ఆహారం లభించక పూర్తిగా బక్కచిక్కిపోయి మరణించిందని వెల్లడించారు.

కేరళలో మరో ఏనుగు మృత్యువాత పడింది. పాలక్కాడ్​లోని వీటి కాలనీ సమీపంలో ఐదేళ్ల వయసున్న ఏనుగు మృతదేహాన్ని అధికారులు గుర్తించారు. ఈ ఏనుగు బక్కచిక్కిపోయిందని, నోటి వద్ద ఉబ్బి ఉందని తెలిపారు.

నాలుగు రోజులుగా ఈ ఏనుగు ఈ ప్రాంతంలో తిరుగుతోందని అధికారులు చెబుతున్నారు. ఆహారం లభించక అలసిపోయి చనిపోయినట్లు భావిస్తున్నారు అటవీ అధికారులు. శవపరీక్షలకు పంపామని, అనంతరం విచారణ చేపడతామని తెలిపారు.

ఇదీ చూడండి:అతిపెద్ద చంద్రుడి ఫొటోను చిత్రీకరించిన మామ్