టిక్​టాక్​ గాయం.. తీసింది ప్రాణం

టిక్​టాక్​ కోసం వినూత్నంగా వీడియో రూపొందించాలన్న ఆశ ఓ యువకుడి ప్రాణాలను బలిగొంది. వీడియో కోసం ప్రమాదకర విన్యాసాలు చేస్తూ ఈ నెల 17న గాయపడిన కర్ణాటకకు చెందిన కుమార్​ అనే యువకుడు చికిత్స పొందుతూ మృతి చెందాడు.

టిక్​టాక్​లో వీడియో పోస్ట్​ చేసేందుకు ప్రమాదక విన్యాసాలు చేస్తూ గాయపడిన ఓ యువకుడు చికిత్స పొందుతూ ఆదివారం మృతి చెందాడు.

కర్ణాటకలోని తుమకూరు జిల్లా చిక్కనాయకనహళ్లి తాలూకా గూడెకెరెలో ఉంటున్న కుమార్​(26) అనే యువకుడు ఈ నెల 17వ తేదీన టిక్​టాక్​ కోసం వినూత్నంగా వీడియో రూపొందించాలని విన్యాసాలు చేశాడు. ఆ క్రమంలో కిందపడిపోయి అతడి మెడ పూస విరిగింది. వెంటనే చికిత్స కోసం అతడిని కుటుంబ సభ్యులు బెంగళూరుకు తీసుకెళ్లారు. అప్పటి నుంచి విక్టోరియా ఆసుపత్రిలో చికిత్స పొందుతున్న అతడు.. కోలుకోలేక ఆదివారం మృతి చెందాడు.

ఇదీ చూడండి:డబ్బే కాదు... ఏటీఎం మొత్తాన్ని ఎత్తుకెళ్లారు!