ఆ మూడు పులులు ఎలా చనిపోయాయి?

మహారాష్ట్రలోని చంద్రపూర్​ అటవీ ప్రాంతంలో మూడు పులులు మృత్యువాత పడ్డాయి. వీటిలో ఓ తల్లి పులి, తన రెండు పిల్లలు ఉన్నాయి. ఈ  వన్యప్రాణుల మరణానికి కారణాలు తెలుసుకునేందుకు చిమూర్​ అటవీ శాఖ అధికారులు ప్రయత్నిస్తున్నారు.

మహారాష్ట్ర చంద్రపూర్​ జిల్లాలో ఓ తల్లి పులి, తన రెండు పిల్లలు కాలువ దగ్గర మృతి చెంది పడి ఉన్నాయి. చిమూర్​ అటవీ ప్రాంతంలోని మీటెపూర్​లో ఈ దుర్ఘటన జరిగింది.

నిర్జీవంగా పడి ఉన్న జంతువులు ఎలా మరణించాయో తెలియాల్సి ఉంది. పులుల మృతికి కారణాలు అన్వేషిస్తున్నామని ముఖ్య సంరక్షణ అధికారి ఎస్​ వీ రామారావు తెలిపారు.

తబోడా అంధరీ టైగర్​ రిజర్వ్ ఈ​ పులులకు ఆశ్రయం కల్పిస్తోంది. ఈ రిజర్వ్​ చంద్రపూర్​ జిల్లాలోనే ఉంది. అక్కడి నుంచే ఈ పులులు విహారానికి వచ్చి ఉంటాయని స్థానికులు చెబుతున్నారు. గ్రామం సమీపంలోనే వన్య మృగాల మృతదేహాలు బయట పడినందున గ్రామస్థులు భయాందోళనకు గురవుతున్నారు.

ఇదీ చూడండి:తమి​ళనాడు​లో 9వ శతాబ్దంలోనే సైకిల్​..!