పిడుగుల వర్షం: 105కు చేరిన మృతుల సంఖ్య

బిహార్​లోని వివిధ జిల్లాల్లో పిడుగుపాటు ఘటనల కారణంగా ప్రాణాలు కోల్పోయిన వారి సంఖ్య 105కు పెరిగింది. రానున్న 72 గంటల్లో ఉత్తర బిహార్​లోని పలు ప్రాంతాల్లో భారీ వర్షాలు కురుస్తాయని వాతారవరణ శాఖ హెచ్చరించింది. అధికారులను అప్రమత్తం చేసింది.

బిహార్‌లో కురిసిన వర్షాలు బీభత్సం సృష్టించాయి. రాష్ట్రంలోని పలు ప్రాంతాల్లో కురిసిన పిడుగుల వాన తీవ్ర ప్రాణ నష్టం కలిగించింది. ఐదు జిల్లాల పరిధిలో ఉరుములు, మెరుపులతో కురిసిన భారీ వర్షానికి చనిపోయినవారి సంఖ్య 105కు పెరిగింది. ఈ మేరకు రాష్ట్ర విపత్తు నిర్వహణ విభాగం ప్రకటన విడుదల చేసింది. అసమ్​లో ఒకే కుటుంబానికి చెందిన ఐదుగురు పిడుగుపాటుకు బలయినట్లు తెలిపింది. ఉత్తర బిహార్ జిల్లాల్లో రానున్న 72 గంటల్లో భారీ వర్షాలు కురుస్తాయని వాతవారణ శాఖ హెచ్చరించింది.

రూ.4 లక్షల పరిహారం..

పిడుగుపాటుతో ఇంత మంది ప్రాణాలు కోల్పోవడంపై బిహార్ ముఖ్యమంత్రి నితీశ్​కుమార్ విచారం వ్యక్తం చేశారు. బాధిత కుటుంబాలకు నాలుగు లక్షల రూపాయల పరిహారం అందిస్తామని ప్రకటించారు.