సీఆర్​పీఎఫ్​ సిబ్బందే లక్ష్యంగా కశ్మీర్​లో గ్రనేడ్​ దాడి

జమ్ముకశ్మీర్​లో ఉగ్రవాదులు మరోసారి రెచ్చిపోయారు. శ్రీనగర్​లోని కవ్​దారాలో శనివారం సీఆర్​పీఎఫ్​ సిబ్బందే లక్ష్యంగా గ్రనేడ్​ దాడి జరిపారు. వారు సురక్షితంగా బయటపడగా.. ఓ 16 ఏళ్ల బాలుడికి స్వల్ప గాయాలయ్యాయి.

జమ్ముకశ్మీర్‌లో ఉగ్రవాదులు మరోసారి రెచ్చిపోయారు. కవ్‌దారా ప్రాంతంలో విధులు నిర్వహిస్తున్న సీఆర్​పీఎఫ్​ సిబ్బంది లక్ష్యంగా గ్రనేడ్‌దాడి జరిపారు. ఈ దాడి నుంచి వారు సురక్షితంగా బయటపడ్డారు.

అయితే ఘటనా సమయంలో.. రోడ్డు మీద నడుచుకుంటూ వెళ్తున్న ఓ 16ఏళ్ల బాలుడికి స్వల్ప గాయాలు అయ్యాయి. వెంటనే అతడిని ఆస్పత్రికి తరలించారు. ఈ దాడిలో రెండు వాహనాలు ధ్వంసమయ్యాయి. దాడి జరిగిన వెంటనే భద్రతా దళాలు ఆ ప్రాంతాన్ని తమ స్వాధీనంలోకి తీసుకున్నాయి. ఏ ఉగ్రవాద సంస్థ ఈ దాడికి ఇంతవరకు బాధ్యత వహించలేదు. ఇదిలా ఉండగా శ్రీనగర్‌లో లష్కరే తోయిబాకు చెందిన ఓ ఉగ్రవాదిని భద్రతా దళాలు అదుపులోకి తీసుకున్నాయి.