మరోసారి తనుశ్రీ దత్తా-నానాపటేకర్ లైంగిక వేధింపుల కేసు తెరపైకి వచ్చింది. ఇందులో భాగంగా ముంబయి పోలీసులు గురువారం బీ సమ్మరీ రిపోర్టు దాఖలు చేశారు. పోలీసుల నివేదిక సర్వత్రా చర్చనీయాంశమైంది.
ఏంటీ బీ సమ్మరీ రిపోర్టు?
ఫిర్యాదుకు మద్దతుగా ఎలాంటి ఆధారాలు లభించక... దర్యాప్తును సాగించలేని పరిస్థితుల్లో పోలీసులు బీ సమ్మరీ రిపోర్టు దాఖలు చేస్తారు.
మీటూ...
బాలీవుడ్ ప్రముఖ నటుడు నానాపటేకర్ తనను లైంగికంగా వేధించారని నటి తనుశ్రీ దత్తా ఆరోపించింది. ఈ విషయంపై బాలీవుడ్లో పెద్ద దుమారం రేగింది. దేశవ్యాప్తంగా ఈ కేసు చర్చనీయాంశమైంది. పలువురు ప్రముఖులు తనుశ్రీకి మద్దతుగా నిలిచారు.
ఈ ఘటన అనంతరం దేశవ్యాప్తంగా 'మీటూ' ఉద్యమం జోరందుకుంది. ఎందరో ప్రముఖులపై లైంగిక వేధింపుల ఆరోపణలు వెల్లువెత్తాయి.
ఫిర్యాదుల స్వీకరణకు ప్రభుత్వం ప్రత్యేక కమిటీని నియమించింది.