తమిళనాడులో వేయికి పైగా ప్రాంతాల పేర్లు మార్పు

తమిళనాడులోని ప్రాంతాలను త్వరలో కొత్త పేర్లతో రాయనున్నారు. ఇంగ్లీష్​ ఉచ్ఛారణకు తగ్గట్లుగా ఆ రాష్ట్రవ్యాప్తంగా 1018 ప్రాంతాల పేర్లను మార్పు చేస్తున్నారు. ప్రస్తుతం దీనిపై సామాజిక మాధ్యమాల్లో పెద్ద ఎత్తున చర్చ నడుస్తోంది.

ఉత్తర భారతంలో ఎక్కవగా చూసే ప్రాంతాల పేర్లలో మార్పులను.. ఇప్పుడు దక్షిణ భారతం అవలంబిస్తోంది. తాజాగా తమిళనాడులో దాదాపు 1,018 ప్రాంతాల పేర్లను తమిళ ఉచ్ఛారణకు తగ్గట్లు ఇంగ్లీష్​లో మార్చాలని ఆ రాష్ట్ర సర్కారు నిర్ణయించింది. ఇప్పటికే వేసిన ఓ అత్యున్నత స్థాయి కమిటీ ప్రతిపాదనల మేరకు ఈ నిర్ణయం తీసుకుంది. ఇందులో భాగంగా పలు ప్రముఖ ప్రాంతాల్లోని పేర్లు ఇకపై విభిన్నంగా కనిపించనున్నాయి. ఈ మేరకు జిల్లా కలెక్టర్లకు పళనిస్వామి ప్రభుత్వం ఆదేశాలు జారీ చేసింది. 1979లో తమిళనాడు ముఖ్యమంత్రిగా ఉన్న ఎంజీ రామచంద్రన్‌.. నగరాలలో కులాల పేరిట ఉన్న వీధులు, కూడళ్ల పేర్లను మార్చారు.

కొన్ని పేర్లు ఇలా..

తొండియార్​ పేట- తాండయ్యార్​పేట్టాయ్​

పురసవాల్కమ్​- పురసైవాక్కమ్​

వేపెరి- వేప్పెరి

పెరంబర్​- పెరంబూర్​

ట్రిప్లికేన్‌ -తిరువల్లికేని

తిరుచ్చి- తిరుచిరాపల్లి

టుటికోరీన్‌- తూతుకుడి

కోయంబత్తూర్​ పేరు మార్పు

ఇలా రాష్ట్రంలోని పల్లెలు, పట్టణాల్లోని పేర్లు ఇకపై తమిళ​ ఉచ్ఛారణకు తగ్గట్లుగా ఇంగ్లీష్​లో పేర్లు మారిపోనున్నాయి.