'విజయాన్ని సాధించే క్రమంలో మానసిక ఒత్తిడికి గురికావొద్దు '

విద్యార్థులు విజయం సాధించే క్రమంలో ఒత్తిడికి గురికావొద్దన్నారు లోక్​సభ స్పీకర్​ ఓం బిర్లా. రాజస్థాన్​లోని కోటా నగరంలో నిర్వహించిన యూత్​ ఫెస్టివల్​కు ముఖ్య అతిథిగా హాజరైన ఆయన ఈ మేరకు విద్యార్థులకు సూచించారు.

విజయాన్ని సాధించే క్రమంలో విద్యార్థులు సాధారణంగా ఒత్తిడికి గురవుతుంటారు. అయితే విద్యార్థులెవరూ మానసిక ఒత్తిడికి గురి కావొద్దన్నారు లోక్​సభ స్పీకర్​ ఓం బిర్లా. రాజస్థాన్​లోని కోటా నగరంలో నిర్వహించిన కోటా కార్నివాల్​(కోకా) యూత్​ ఫెస్టివల్​కు ముఖ్య అతిథిగా హాజరైన బిర్లా.. విద్యార్థులను ఉద్దేశించి ప్రసంగించారు.

రెండు రోజుల పాటు సాగే ఈ కార్యక్రమాన్ని నగరంలోని కామర్స్​ కళాశాల మైదానంలో నిర్వహించారు. జిల్లా కలెక్టర్​ ఓం కసేరా, పోలీసు సూపరింటెండెంట్​ దీపక్​ భార్గవ్​తో సహా ప్రముఖులు హాజరయ్యారు. సుమారు 1.75 లక్షలమంది విద్యార్థులు ఈ వేడుకలో పాల్గొన్నారు.