వీవీప్యాట్ స్లిప్పుల లెక్కింపుపై ప్రతిపక్షాలు దాఖలు చేసిన రివ్యూ పిటిషన్పై సుప్రీంకోర్టు వచ్చేవారం విచారణ చేయనుంది. తప్పనిసరిగా 50 శాతం వీవీప్యాట్ యంత్రాల స్లిప్పులు లెక్కించాలని ఇటీవల వ్యాజ్యం దాఖలు చేశాయి ఆంధ్రప్రదేశ్ ముఖ్యమంత్రి చంద్రబాబు నేతృత్వంలోని 21 పార్టీలు. ఈ అంశంపై త్వరగా విచారణ చేపట్టాలని సుప్రీం కోర్టు ప్రధాన న్యాయమూర్తి ముందు ప్రస్తావించారు న్యాయవాది, కాంగ్రెస్ సీనియర్ నేత అభిషేక్ మను సింఘ్వీ.
అంతకుముందు ప్రతిపక్షాల పిటిషన్పై విచారణ చేపట్టిన సర్వోన్నత న్యాయస్థానం.. ఒక్కో అసెంబ్లీ స్థానంలో 5 వీవీప్యాట్ యంత్రాల స్లిప్పులు లెక్కించాలని తీర్పు వెలువరించింది. దీనిపై అభ్యంతరం వ్యక్తం చేసిన పిటిషన్దారులు మరోసారి కోర్టులో రివ్యూ పిటిషన్ దాఖలు చేశారు.