17:57 September 02
చిదంబరం కస్టడీ రేపటి వరకు పొడిగింపు
ఐఎన్ఎక్స్ మీడియా కేసులో కాంగ్రెస్ సీనియర్ నేత, మాజీ మంత్రి చిదంబరానికి సీబీఐ కస్టడీని రేపటి వరకు పొడిగించింది దిల్లీ ప్రత్యేక న్యాయస్థానం. ఆయన మధ్యంతర బెయిల్ పిటిషన్పైనా రేపు విచారణ చేపట్టనుంది.
చిదంబరానికి గతంలో ఆగస్టు 30న విధించిన సీబీఐ కస్టడీ పొడిగింపు నేటితో ముగిసింది. అనంతరం.. సీబీఐ తరఫున సొలిసిటర్ జనరల్ తుషార్ మెహతా అభ్యర్థన అనంతరం... చిదంబరం కస్టడీని రేపటి వరకు పొడిగిస్తూ ఆదేశాలు వెలువరించింది.
17:15 September 02
చిదంబరం కస్టడీ పొడిగింపు అంశంపై కొద్దిసేపట్లో నిర్ణయం
కాంగ్రెస్ సీనియర్ నేత, కేంద్ర మాజీ మంత్రి చిదంబరం కస్టడీని పొడిగించాలన్న సీబీఐ అభ్యర్థనపై మరికొద్దిసేపట్లో నిర్ణయం ప్రకటించనుంది దిల్లీ ప్రత్యేక న్యాయస్థానం. చిదంబరానికి సీబీఐ కస్టడీ నేటితో ముగిసినందున దిల్లీ ప్రత్యేక కోర్టు ముందు ప్రవేశపెట్టారు.
16:51 September 02
చిదంబరం బెయిల్ పిటిషన్ను వ్యతిరేకించిన సీబీఐ
చిదంబరానికి ఊరట అంశాన్ని సీబీఐ వ్యతిరేకిస్తుంది. ఐఎన్ఎక్స్ మీడియా కేసు విచారణలో భాగంగా.. చిదంబరం కస్టడీని మరొకరోజు పొడిగించాలని దిల్లీ ప్రత్యేక కోర్టును అభ్యర్థించింది కేంద్ర దర్యాప్తు సంస్థ.
ఆగస్టు 30న చిదంబరానికి పొడిగించిన 3 రోజుల కస్టడీ నేటితో ముగిసిన అనంతరం కాంగ్రెస్ సీనియర్ నేతను దిల్లీ కోర్టు ముందు ప్రవేశపెట్టారు.
ఆగస్టు 21న అరెస్టయిన కేసులో మధ్యంతర బెయిల్ పిటిషన్ కోసం దిల్లీ కోర్టును ఆశ్రయించారు చిదంబరం. చిదంబరం బెయిల్ పిటిషన్పై మరికొంత సమయం ఇవ్వాలని కోరారు సొలిసిటర్ జనరల్ తుషార్ మెహతా. చట్టబద్ధంగా అవసరం కనుక.. సీబీఐకి నోటీసులు జారీ చేశామని అన్నారు. వ్యక్తిగత స్వేచ్ఛ ప్రతి ఒక్క పౌరునికీ సమానమేనని కోర్టులో తెలిపారు మెహతా.
16:42 September 02
కొంత సమయం కావాలి: మెహతా
చిదంబరం మధ్యంతర బెయిల్ పిటిషన్పై బదులివ్వడానికి కొంత సమయం కోరారు సొలిసిటర్ జనరల్ తుషార్ మెహతా.
16:35 September 02
దిల్లీ ప్రత్యేక కోర్టులో చిదంబరం
చిదంబరం సీబీఐ కస్టడీ నేటితో ముగియడంతో.. ఆయనను దిల్లీ ప్రత్యేక కోర్టులో ప్రవేశపెట్టింది కేంద్ర దర్యాప్తు సంస్థ. ఆయన రిమాండ్ను రేపటివరకు పొడిగించాలని కోరుతోంది సీబీఐ.
15:50 September 02
చిదంబరం కేసులో ఆదేశాలు సవరించిన సుప్రీం కోర్టు
ఐఎన్ఎక్స్ మీడియా కేసులో కొద్దిసేపటి క్రితం ఇచ్చిన ఆదేశాలను సవరించింది సుప్రీం కోర్టు. చిదంబరం కస్టడీని సెప్టెంబర్ 5 వరకు పొడిగించుకోవచ్చన్న ఆదేశాలపై.. సొలిసిటర్ జనరల్ తుషార్ మెహతా అభ్యంతరం వ్యక్తం చేశారు. సీబీఐ కస్టడీని రేపటి వరకే కోరతామని మెహతా అభ్యర్థించారు.
పిటిషన్ను రేపే మరోసారి విచారించాలని కోరారు సొలిసిటర్ జనరల్. చిదంబరం సీబీఐ కస్టడీని సవాల్ చేస్తూ దాఖలైన పిటిషన్పై రేపు మరోసారి విచారణ జరపనుంది అత్యున్నత న్యాయస్థానం.
సీబీఐ కస్టడీని రేపటి వరకు పొడిగించుకోవడం కోసం.. లోయర్ కోర్టుకు వెళ్లే అంశంపై సీబీఐకే వదిలేసింది చేసింది సుప్రీం.
14:05 September 02
'బెయిల్ ఇవ్వకుంటే మరో 3 రోజులు సీబీఐ కస్టడీ'
ఐఎన్ఎక్స్ మీడియా కేసులో అరెస్టయిన కేంద్ర మాజీ మంత్రి చిదంబరానికి సుప్రీంకోర్టులో ఊరట లభించింది. మధ్యంతర బెయిల్ మంజూరు చేయాలన్న అభ్యర్థనను పరిగణనలోకి తీసుకోవాలని విచారణ న్యాయస్థానాన్ని ఆదేశించింది సర్వోన్నత న్యాయస్థానం.
ఒకవేళ బెయిల్ అభ్యర్థనను విచారణ న్యాయస్థానం తిరస్కరించినా... ఆయన్ను తీహార్ జైలుకు పంపరాదని తేల్చిచెప్పింది సుప్రీంకోర్టు. బెయిల్ రాని పక్షంలో చిదంబరం సీబీఐ కస్టడీని గురువారం వరకు మాత్రమే పొడిగించాలని స్పష్టంచేసింది.
ఐఎన్ఎక్స్ కేసులో నాన్ బెయిలబుల్ వారెంట్ జారీచేయడం సహా విచారణ కోర్టు సీబీఐ కస్టడీకి ఆదేశించడాన్ని సవాలు చేస్తూ చిదంబరం దాఖలు చేసిన వ్యాజ్యంపై విచారణ జరిపింది సుప్రీంకోర్టు. చిదంబరం పిటిషన్పై అభిప్రాయం చెప్పాలని ఆదేశిస్తూ సీబీఐకి తాఖీదులిచ్చింది.
సిబల్ వాదనలు...
చిదంబరం తరఫున కాంగ్రెస్ సీనియర్ నేత కపిల్ సిబల్ వాదనలు వినిపించారు. చిదంబరం వయసు 74ఏళ్లని, ఆ విషయాన్ని దృష్టిలో ఉంచుకుని ఆయన్ను గృహ నిర్బంధంలో పెట్టాలని కోరారు.
13:59 September 02
చిదంబరం వయసును దృష్టిలో పెట్టుకోండి: సిబల్
ఐఎన్ఎక్స్ కేసులో నాన్ బెయిలబుల్ వారెంట్ జారీచేయడం సహా విచారణ కోర్టు సీబీఐ కస్టడీకి ఆదేశించడాన్ని సవాలు చేస్తూ చిదంబరం దాఖలు చేసిన వ్యాజ్యంపై విచారణ జరిపింది సుప్రీంకోర్టు. చిదంబరం పిటిషన్పై అభిప్రాయం చెప్పాలని ఆదేశిస్తూ సీబీఐకి తాఖీదులిచ్చింది.
సిబల్ వాదనలు...
చిదంబరం తరఫున కాంగ్రెస్ సీనియర్ నేత కపిల్ సిబల్ వాదనలు వినిపించారు. చిదంబరం వయసు 74ఏళ్లని, ఆ విషయాన్ని దృష్టిలో ఉంచుకుని ఆయన్ను గృహ నిర్బంధంలో పెట్టాలని కోరారు.
13:48 September 02
ఐఎన్ఎక్స్ మీడియా: దిల్లీ ప్రత్యేక కోర్టులో చిదంబరం
ఐఎన్ఎక్స్ మీడియా కేసులో అరెస్టయిన కేంద్ర మాజీ మంత్రి చిదంబరానికి సుప్రీంకోర్టులో ఊరట లభించింది. మధ్యంతర బెయిల్ మంజూరు చేయాలన్న అభ్యర్థనను పరిగణనలోకి తీసుకోవాలని విచారణ న్యాయస్థానాన్ని ఆదేశించింది సర్వోన్నత న్యాయస్థానం.
ఒకవేళ బెయిల్ అభ్యర్థనను విచారణ న్యాయస్థానం తిరస్కరించినా... ఆయన్ను తీహార్ జైలుకు పంపరాదని తేల్చిచెప్పింది సుప్రీంకోర్టు. బెయిల్ రాని పక్షంలో చిదంబరం సీబీఐ కస్టడీని గురువారం వరకు మాత్రమే పొడిగించాలని స్పష్టంచేసింది.
