కొవిడ్​ నిబంధనలు పాటిస్తూ భక్తుల 'అయ్యప్ప దర్శనం'

ఆరునెలల తరువాత మొదటిసారి శబరిమల అయ్యప్ప ఆలయం శుక్రవారం సాయంత్రం తెరుచుకుంది. శనివారం ఉదయం 5గంటల నుంచి భక్తులను అనుమతిస్తున్నట్లు ట్రావెన్​కోర్​ దేవస్థానం బోర్డు తెలిపింది. కరోనా దృష్ట్యా వర్చువల్​ క్యూ పద్ధతి ద్వారా రోజుకు కేవలం 250మందికే ఆలయ ప్రవేశం కల్పిస్తున్నారు.

కరోనా మహమ్మారి కారణంగా మార్చి25న మూసివేసిన శబరిమల దేవాలయం శుక్రవారం తెరుచుకుంది. ఇవాళ ఉదయం నుంచి భక్తులకు ఆలయ దర్శనం కల్పిస్తోంది ట్రావెన్​కోర్​ దేవస్థానం బోర్డు. వైరస్​ వ్యాప్తి దృష్ట్యా.. భక్తులు మాస్కులు ధరించి, కొవిడ్​ నెగెటివ్​ రిపోర్టు పత్రంతో దర్శనానికి రావాలని బోర్డు సూచించింది. ఈ నేపథ్యంలో.. కొవిడ్​ నిబంధనలు పాటిస్తూనే భక్తులు శబరిమలకు చేరుకుంటున్నారు. మండల పూజ కోసం.. అక్టోబరు 21వరకు ఆలయం తెరుచుకొనే ఉండనుంది. కొవిడ్​ నెగెటివ్​ రిపోర్టు లేని వారికి నీలక్కల్​లో రాపిడ్ యాంటిజెన్​ టెస్టులు​ నిర్వహిస్తున్నారు.

మాస్కులు ధరించి దర్శనానికి

భౌతికదూరం పాటిస్తూ దర్శనానికి వస్తోన్న భక్తులు

వర్చువల్​ విధానంలో దర్శనం :

వర్చువల్​ క్యూ పద్ధతి ద్వారా శనివారం దర్శనానికి 246 మంది దరఖాస్తు చేసుకున్నారు. రోజుకు కేవలం 250మందినే ఆలయంలోకి అనుమతించనున్నారు.

కొవిడ్​ నిబంధనల మధ్య దర్శనం

10 నుంచి 60 ఏళ్ల మధ్య ఉండి మెడికల్​ సర్టిఫికేట్​ ఉన్నవారిని కొండ ఎక్కి వచ్చేందుకు అనుమతిస్తున్నారు. కరోనా మహమ్మారి కారణంగా సన్నిధానం, నీలక్కల్​లోని వసతి గృహాలను మూసివేశారు.

స్వామియే శరణం అయ్యప్ప

ఇదీ చదవండి :దేశవ్యాప్తంగా ఘనంగా నవరాత్రి ఉత్సవాలు