అతి సున్నితమైన అయోధ్యలోని రామజన్మభూమి, బాబ్రీ మసీదు కేసులో తీర్పు వెలవడనున్న నేపథ్యంలో ముస్లిం మతాధికారులతో ఆర్ఎస్ఎస్, భాజపా కార్యకర్తలు సమావేశమమ్యారు. ఈ భేటీలో మతాధికారులు, విద్యావేత్తలు, ఇరు వర్గాల ప్రముఖులు పాల్గొన్నారు. తీర్పు వెలువడిన తర్వాత.. ఎలాంటి ఉద్రిక్తతలు తలెత్తకుండా.. అందరూ సామరస్యంతో, ఐకత్యతో మెలగాలని సమావేశంలో సూచించారు.
'అయోధ్య తీర్పు ఏ పక్షాన ఉన్నా.. ఐక్యతతో ఉందాం'
మత సామరస్యాన్ని, సోదర భావాన్ని, ఐక్యతను బలోపేతం చేయటానికి ఇరువర్గాలు కట్టుబడి ఉన్నట్లు స్పష్టం చేశారు. అంతేకాకుండా ఐక్యతను నాశనం చేయటానికి పన్నే కుట్రలను సమర్థవంతంగా ఎదుర్కోవాలని ఇరు మతాధికారులు తీర్మానించారు. మత సామరస్యమే ఈ దేశ గొప్పతనమని.. కేంద్ర మంత్రి ముఖ్తార్ అబ్బాస్ నఖ్వీ వెల్లడించారు. ఈ ఐక్యతను కాపాడుకోవటం ఇరు వర్గాల నైతిక బాధ్యతని స్పష్టం చేశారు.