జ్వరం వచ్చినప్పుడు అమ్మ బలవంతంగా టానిక్ తాగిస్తుంటే.. తన బిడ్డ అంత చేదు ఎలా తాగగలడని తల్లడిల్లిపోతాడు నాన్న. కానీ, కర్ణాటక బెంగళూరులోని ఓ రౌడీ షీటర్ మాత్రం దగ్గరుండి కుమారుడికి పాడు అలవాటు నేర్పించాడు. తల్లి లేని సమయం చూసి బలవంతంగా మద్యం రుచి చూపించాడు. భార్య మీద కోపంతో బాలుడి లేత ప్రాయంతో చెలగాటమాడాడు.
చిన్నారికి బలవంతంగా మద్యం తాగించిన రౌడీ డాడీ!
కుమారేశ్ను ప్రేమించి పెళ్లాడింది ఓ యువతి. ఆరు నెలల తరువాత కుమారేశ్ ఓ రౌడీ షీటర్ అని తెలుసుకుని ఇల్లు విడిచి వెళ్లిపోయింది. అప్పటికే కడుపునపడ్డ బిడ్డకు జన్మనిచ్చి తనతోనే పెంచుకుంటోంది. ఈ విషయం తెలిసిన కుమారేశ్ భార్య లేని సమయం చూసి ఆమె ఇంట్లోకి వచ్చాడు. మాటలు కూడా సరిగ్గా రాని చిన్నారికి మాయ మాటలు చెప్పి మద్యం తాగించాడు. ఈ రాక్షసత్వాన్ని వీడియో తీసి సామాజిక మాధ్యమాల్లో పోస్ట్ చేశాడు.