కార్గిల్​ యుద్ధ స్మారకం వద్ద రాజ్​నాథ్​ నివాళి

కార్గిల్​ యుద్ధంలో విజయం సాధించి 20 ఏళ్లు పూర్తవుతున్న సందర్భంగా జమ్ముకశ్మీర్​ ద్రాస్​లోని కార్గిల్​ యుద్ధ స్మారకాన్ని సందర్శించారు రక్షణ మంత్రి రాజ్​నాథ్​ సింగ్​. అమర జవాన్లకు నివాళులర్పించారు.

జమ్ముకశ్మీర్​ ద్రాస్​లోని కార్గిల్​ యుద్ధ స్మారకాన్ని సందర్శించారు రక్షణ శాఖ మంత్రి రాజ్​నాథ్​ సింగ్​. భారత సైన్యం చేపట్టిన 'ఆపరేషన్​ విజయ్​'కు 20 ఏళ్లు పూర్తవుతున్న సందర్భంగా జవాన్ల త్యాగాలను గుర్తుచేసుకున్నారు.

కార్గిల్​ యుద్ధ స్మారకం వద్ద జవాన్లతో రాజ్​​నాథ్​

యుద్ధ స్మారకం వద్దకు చేరుకున్న అనంతరం సందర్శకుల పుస్తకంలో తన సందేశం రాశారు రక్షణ మంత్రి. యుద్ధ స్మారకం వద్ద అమర జవాన్లకు నివాళులర్పించారు. వారి త్యాగాలు ప్రతిబింబించేలా ఏర్పాటు చేసిన 'మెమోరీ లేన్​' చిత్రాలను జాతికి అంకితం చేశారు రాజ్​నాథ్​. అనంతరం సైనికులతో కలిసి ఫోటోలు దిగారు.

మెమోరీ లేన్​లోని ఓ చిత్రం

మెమోరీ లేన్​ను ప్రారంభిస్తున్న రాజ్​నాథ్​

విజయ జ్యోతి..

ఈ నెల 14న దిల్లీలోని జాతీయ యుద్ధ స్మారకం వద్ద కార్గిల్​ యుద్ధం 'విజయ జ్యోతి'ని వెలిగించారు రాజ్​నాథ్. ఆ జ్యోతిని సైన్యానికి చెందిన ద్విచక్రవాహనాల బృందానికి అందించారు. పలు పట్టణాలను దాటుతూ ద్రాస్​ చేరుకుని ఈ నెల 26న కార్గిల్​ యుద్ధ స్మారకం వద్ద అమర జ్యోతిలో మమేకమవనుంది విజయ జ్యోతి.

మెమోరీ లేన్​లో రాజ్​నాథ్​

ఇదీ చూడండి: చంద్రయాన్​: తొలి అడుగుకు అర్ధ శతాబ్దం