జమ్ముకశ్మీర్కు ప్రత్యేక అధికారాలపై సమీక్షించాలన్నారు కేంద్ర హోంమంత్రి. కశ్మీర్కు స్వతంత్ర ప్రతిపత్తి కల్పిస్తోన్న 370, ఇతర రాష్ట్రాలవారికి శాశ్వత పౌరసత్వం కల్పించరాదన్న 35ఏలను సమీక్షించాలని లఖ్నవూలో జరిగిన ఓటరు అవగాహన సదస్సులో అభిప్రాయపడ్డారు. అవసరమైతే వాటిని రద్దు చేయాలని ఉద్ఘాటించారు.
జమ్ముకశ్మీర్కు ప్రత్యేక ప్రధానమంత్రి కావాలన్న నేషనల్ కాన్ఫరెన్స్ నేత ఒమర్ అబ్దుల్లా వ్యాఖ్యలపై రాజ్నాథ్ మండిపడ్డారు. కశ్మీర్లో కుట్రపూరితంగా కొన్ని సంస్థలు వేర్పాటువాద భావజాలాన్ని పెంచుతున్నాయని ఆరోపించారు. కానీ కశ్మీర్లోని మెజారిటీ ప్రజలు భారత్లోనే ఉండాలని కోరుకుంటున్నారన్నారు.
ఆర్టికల్ 370 రద్దు త్వరగా చేపట్టాలని కశ్మీరీల అభిమతం: భాజపా
జమ్ముకశ్మీర్లోని మెజారిటీ ప్రజలు ఆర్టికల్ 370 త్వరగా రద్దు కావాలని కోరుకుంటున్నారన్నారని ప్రకటించింది ఆ రాష్ట్ర భాజపా విభాగం. పూర్తి స్థాయిలో భారత్తో కలిసేందుకు ప్రభుత్వం కృషి చేస్తోందని వెల్లడించింది. పాకిస్థాన్ కంటే భాజపా-ఆర్ఎస్ఎసే కశ్మీర్కు ప్రమాదకరమైనదన్న నేషనల్ కాన్ఫరెన్స్ నేతల వ్యాఖ్యలపై మండిపడింది.
"కోట్లమంది భారతీయులు కోరుకుంటున్న ఆర్టికల్ 370 రద్దుపై భాజపా ఇస్తున్న హామీపట్ల నేషనల్ కాన్ఫరెన్స్ ఉపాధ్యక్షుడు ఒమర్ అబ్దుల్లా సంతోషంగా లేరు. ఆయనకు పాకిస్థాన్తో మాత్రం ఎంతో సౌకర్యంగా ఉంటుంది " -అనిల్ గుప్తా, ఆర్మీ బ్రిగేడియర్(రిటైర్డ్), భాజపా అధికార ప్రతినిధి
నేషనల్ కాన్ఫరెన్స్ అబ్దుల్లా కుటుంబానికి రహస్య స్నేహితులైన పాకిస్థాన్ నుంచి తమను రక్షించేది భాజపా మాత్రమేనని కశ్మీర్ ప్రజలు నమ్ముతున్నారని ఉద్ఘాటించారు అనిల్ గుప్తా.
ఇదీ చూడండి: ఆస్ట్రేలియా లక్ష్యం- 20 లక్షల పిల్లులు!
