'రాజ్యాంగ పరిరక్షణ' పేరిట కేరళలో రాహుల్ ర్యాలీ​

పౌర చట్టానికి వ్యతిరేకంగా కాంగ్రెస్​ నేత రాహుల్​ గాంధీ కేరళలోని తన సొంత నియోజకవర్గం వయనాడ్​లో భారీ నిరసన ర్యాలీ నిర్వహించారు. జాతీయ అమరవీరుల దినోత్సవం సందర్భంగా 'రాజ్యాంగాన్ని రక్షించండి' అనే నినాదంతో ర్యాలీ చేపట్టారు.

పౌరసత్వ చట్టానికి వ్యతిరేకంగా కాంగ్రెస్ నేత రాహుల్ గాంధీ నేతృత్వంలో సొంత నియోజకవర్గమైన కేరళలోని వయనాడ్​లో ర్యాలీ నిర్వహించారు. 'రాజ్యాంగాన్ని రక్షించండి' పేరుతో రెండు కిలోమీటర్ల మేర పాదయాత్ర చేశారు. వందల సంఖ్యలో కాంగ్రెస్​ కార్యకర్తలు పార్టీ జెండాలను చేతబూని పౌరచట్టానికి వ్యతిరేకంగా నినదించారు. వయనాడ్​ కాల్పెటలోని ఎస్​కేఎమ్​జే ఉన్నత పాఠశాల నుంచి ర్యాలీ ప్రారంభమైంది.

కేరళ శాసనసభలో కాంగ్రెస్​ సభాపక్ష నేత రమేష్​ చెన్నితాలా, కేపీసీసీ అధ్యక్షుడు ముల్లపల్లి రామచంద్రన్​, ఏఐసీసీ కార్యదర్శి కే సీ వేణుగోపాల్​, పార్టీ సీనియర్ నాయకులు ఈ ర్యాలీలో పాల్గొన్నారు.

ఇదీ చదవండి: