ప్రశాంతంగా కశ్మీర్​

కశ్మీర్​ సరిహద్దులో పరిస్థితులు మళ్లీ సాధారణానికి వస్తున్నాయి. ప్రజారవాణా, వ్యాపార కార్యకలాపాలు తిరిగి ప్రారంభమయ్యాయి.

పాకిస్థాన్​ దాడులతో కశ్మీర్​లో ఏర్పడ్డ ఉద్రిక్తతలు క్రమంగా సద్దుమణుగుతున్నాయి. మార్కెట్లు, దుకాణాలు తెరుచుకుంటున్నాయి. ప్రజారవాణా ప్రారంభమవుతోంది.

1-2 రోజుల నుంచి పరిస్థితులు బాగున్నాయి. మూసివేసిన మార్కెట్లు తిరిగి తెరుచుకుంటున్నాయి. కాల్పుల వల్ల కొన్ని రోజుల క్రితం విద్యార్థుల పరీక్షలు వాయిదా పడ్డాయి. కొన్ని రోజుల్లో వాటిని కూడా నిర్వహిస్తారు. 1-2 రోజుల్లో మార్కెట్లన్నీ తెరుచుకుంటాయి. పరిస్థితులు సాధారణానికి వస్తాయి. - మహమ్మదిన్​ ఇంప్యాజ్​, మాంజాకోట్​ వాసి

ఆగిన దాడులు...

శనివారం రాత్రి నుంచి జమ్ముకశ్మీర్​లోని ఫూంచ్​, రాజౌరీ జిల్లాల్లో పాక్​ కాల్పుల విరమణ ఒప్పంద ఉల్లంఘన ఘటనలు నమోదవలేదని రక్షణ అధికారులు తెలిపారు. ఎలాంటి పరిస్థితినైనా ఎదుర్కొవటానికి సైన్యం సిద్ధంగా ఉందని స్పష్టంచేశారు.

నౌషెరా సెక్టార్​లో శనివారం రాత్రి చివరిసారిగా కాల్పులు జరిపింది పాక్​. మిగిలిన అన్ని సెక్టార్​లలో శుక్రవారం రాత్రి నుంచి ఎలాంటి దాడులు జరగలేదు.

ఉల్లంఘనల తీరిది...

పుల్వామా దాడికి కారణమైన జైషే మహ్మద్​కు చెందిన బాలకోట్ స్థావరాలపై భారత వాయుసేన గురువారం దాడి చేసింది. ఆ నాటి నుంచి నియంత్రణ రేఖ వెంబడి ఉన్న గ్రామాలపై పాక్​ కాల్పులకు దిగింది.

కేవలం రాజౌరీ, ఫూంచ్​ జిల్లాల్లోనే 50 సార్లు కాల్పుల విరమణ ఒప్పందాన్ని ఉల్లంఘించింది పాక్​ సైన్యం​. మొత్తం నలుగురు పౌరులు మరణించారు. ఇందులో ముగ్గురు ఒకే కుటుంబానికి చెందిన వారు. మరికొందరికి గాయాలయ్యాయి.