రెండురోజుల అమేఠీ పర్యటనకు ప్రియాంక

కాంగ్రెస్​ జాతీయ ప్రధాన కార్యదర్శి ప్రియాంక గాంధీ నేడు ఉత్తరప్రదేశ్​లోని అమేఠీలో పర్యటించనున్నారు. ఈ రెండు రోజుల పర్యటనలో తన సోదరుడు రాహుల్​గాంధీ తరఫున ప్రచారం చేయనున్నారు.

దేశవ్యాప్తంగా ఎటుచూసిన లోక్​సభ ఎన్నికల ప్రచారాలే కనిపిస్తున్నాయి. ఎన్నికల్లో విజయమే లక్ష్యంగా ప్రధాన పార్టీల నేతలు, కార్యకర్తలు వ్యూహాలు రచిస్తున్నారు. జోరుగా ప్రచారాలు, బహిరంగ సభలు, ర్యాలీలు నిర్వహిస్తున్నారు. కాంగ్రెస్​ అధ్యక్షుడు రాహుల్​ గాంధీ పోటీ చేస్తున్న అమేఠీలో ఆయన సోదరి ప్రియాంక గాంధీ పర్యటించనున్నారు. నేటి నుంచి రెండు రోజుల పాటు సాగే ఈ పర్యటనలో తన సోదరుడు రాహుల్​గాంధీని గెలిపించాలని స్థానికులను అభ్యర్థించనున్నారు ప్రియాంక. అనంతరం స్థానిక నేతలు, కార్యకర్తలతో ప్రియాంక సమావేశమవుతారని పార్టీ అధికార ప్రతినిధి అనిల్​ సింగ్​ తెలిపారు.