సర్కారు లక్ష్యం సబ్​ కా సాథ్ సబ్​ కా వికాస్: కోవింద్

17వ లోక్​సభ ఏర్పాటైన తొలిసారి పార్లమెంటు ఉభయసభలను ఉద్దేశించి ప్రసంగించారు రాష్ట్రపతి రామ్​నాథ్​ కోవింద్​. ప్రభుత్వం 'సబ్​ కా సాథ్​ సబ్​ కా వికాస్​ సబ్​ కా విశ్వాస్' అనే లక్ష్యంతో ముందుకెళ్లనుందని ప్రసంగంలో రాష్ట్రపతి ఉద్ఘాటించారు.

2019 సార్వత్రిక ఎన్నికల అనంతరం కొలువుదీరిన 17వ లోక్​సభలో ఉభయసభలను ఉద్దేశించి రాష్ట్రపతి రామ్​నాథ్​ కోవింద్​ తొలిసారి ప్రసంగించారు. తొలుత నూతనంగా ఎన్నికైన సభ్యులకు శుభాకాంక్షలు తెలిపారు కోవింద్​. ఎన్నికలను సక్రమంగా నిర్వహించినందుకు ఎన్నికల సంఘానికి అభినందనలు తెలిపారు. ప్రజల ఆకాంక్షలను సాకారం చేయడానికి ప్రభుత్వం కృషి చేస్తుందని వ్యాఖ్యానించారు.

ప్రభుత్వం జులై 5న పూర్తిస్థాయి​ బడ్జెట్ ప్రవేశపెట్టనుంది. ఈ నేపథ్యంలో ఉభయసభలను ఉద్దేశించి రాష్ట్రపతి మాట్లాడారు.ఈ సారి ఎన్నికల్లో 61 కోట్ల మంది భారతీయులు ఓటు హక్కు వినియోగంచుకోవడంపై రాష్ట్రపతి హర్షం వ్యక్తం చేశారు.